• Home
  • Vallacar Transit, gustong dugangan ro andang mga saeakyan sa ruta nga Iloilo – Kalibo Via Tapaz – Jamindan Route

Vallacar Transit, gustong dugangan ro andang mga saeakyan sa ruta nga Iloilo – Kalibo Via Tapaz – Jamindan Route

By: Doniel B Aguirre

Refer To: Ms. Fritzie Anne P Rillo, Information Officer

Bangud ku intensyon it Vallacar Transit nga tag-iya it mga Ceres Buses sa Banwa it Kalibo nga magdugang it mga bag-ong saeakyan nga maga-byahe it Iloilo – Kalibo Via Tapaz – Jamindan Route Vice Versa, isaeang ka Resolusyon nga naga-endorso ro gin-proponer ni SB Member Juris Bautista Sucro. Ginpa-abot ni Sucro nga ku Enero 2 it rayang dag-on, hay nagapadaea it sueat ro Vallacar Transit kay Mayor William Lachica nga nagahinyo it pag-endorso agud maka-operate sanda it 17 units it mga Public Utility Vehicles PUVs. Rason ku vallacar transit nga naga-inabo ro numero it mga pasahero sa mga kaeapit nga Munisipalidad ro nagapa-adto sa Iloilo adlaw ag gabi-i ngani kinahang-ean gid nanda magdugang it mga Utility Buses. Suno sa Vallacar Transit, kun makadugang sanda it mga saeakyan, makata-o sanda it mas kumportableng pag-byahe sa Panay Island.

Gin-rekomendar man ni SB Member Ronald Marte nga impormahan man ro iba pang Transport Sector nga posibleng maapektuhan partikular ro naga-halin sa Altavas paadto it Kalibo. Suno man kay SB Member Daisy Briones, imbitahan man ro taeatapan it Vallacar Transit ag iba pang miembro it Transport Sector partikular nga ro lokal nga Transport Sector sa isaeang ka inisyal nga pulong-pulong. Gindugang pa gid ni SB Member Policarpio nga imbitahan man ro pulso it mga commuters.

Ginpa-abot man ni Vice Mayor Madeline Regalado nga mayad man nga masayran ro baeatyagon it ibang mga Operators it mga Buses kun maga-pabor sanda sa plano ku Vallacar Transit. Sa rondayang kabangdanan, magataeana it pulong ro Committee on Transportation nga ginapamunuan ni SB Member Juris Sucro.