• Home
  • TESDA nagata-o it Libreng Training para sa mga apektado it rehabilitasyon ku Boracay.

TESDA nagata-o it Libreng Training para sa mga apektado it rehabilitasyon ku Boracay.

By: Doniel B Aguirre

Refer to: Ms. Fritzie Anne P Rillo, Information Officer

Nagabulig man makaron ro Technical Education Skills & Development Authority TESDA Aklan sa mga Kalibonhon ag Akeanon nga temporaryong maduea-an it trabaho sa pagahimuon nga rehabilitasyon ku isla it Boracay. Sa consultative meeting nga ginpamunuan ni Mayor William Lachica, ginbalita ni Mr. Joel Villagracia, TESDA Provincial Director nga may libreng Skills Training para sa apektado it temporaryong pagsira ku Isla. Nag-umpisa eon ro pagbaton nanda it mga Enrollees ku Abril 16 ag rong training man hay maga-umpisa sa Abril 26, 2018 adlaw mismo ku pag-umpisa it temporaryong pagsirado it Boracay.

Agud mas madali nga maserbisyohan ro magapa-enroll, may mga Designated Centers ro TESDA sa Boracay Holiday Resort, Station 2, Manggayad, Malay, Aklan, Malay Municipal Hall, Poblacion, Malay, Aklan ag TESDA Aklan Provincial Office nga makit-an sa Regalado St., corner Veterans Avenue, Kalibo, Aklan.

Suno kay Villagracia, ro TESDA hay haum nga magta-o it libreng kaaeaman sa Welding kun gusto it aplikante. May mga available nga Scholarship Slots para sa gustong mag-up scale it andang mga skills makaron. May mga Accredited TVET Providers man rong TESDA iya sa Banwa it Kalibo kamana ku: Adolphus Intenrational Technical Institute, Inc., Aklan Catholic College Inc., Aklan Sampaguita Gardens Academy, Inc., Aklan State University Banga Campus, Aklan Technical Skills Academy, Aklan Vanguard Security Training School Inc., Brilliant Security Training Academy, Carillo Culinary Arts & Skills Development, Inc., Joselito Alba Vocational & Technical School, Inc., Lezo Technical College, Inc., Mandala Spa Training Academy, Monfort Technological Institute, Mother Teresa Academy of Ibajay Aklan, Inc., NVC, Panay Technological College, Inc. Provincial Training Center, RRM Technical Institute, Inc., St. Anne Business Institute, Inc., Saint Gabriel College, Inc., San Lorenzo College of Iloilo City, Verde Grande College, Inc., Villorente Training & Assessment Center, Corp.