• Home
  • Solid Waste Management Services it Munisipyo, magahimo it Trash Can Painting Contest

Solid Waste Management Services it Munisipyo, magahimo it Trash Can Painting Contest

By: Doniel B Aguirre

Refer to: Ms. Fritzie Anne P Rillo, Information Officer

Gina-imbitahan makaron ku Municipal Solid Waste Management Services it Banwang Kalibo ro mga High School ag College Students nga naga-edad it 13 anyos pataas, naka enroll sa Public ag Private Schools sa Banwa it Kalibo nga mag-entra sa Trash Can Painting Contest sa Enero 12, 2019 sa Kalibo Pastrana Park. Suno kay Ms. Adorada Reynaldo, Hepe ku Municipal Solid Waste Management Services, proyekto ra ku LGU Kalibo sa handum nga mangin Litter Free ro palibot ag bilang preparasyon man sa Selebrasyon it Kalibo Sto. Nino Ati-atihan Festival.

Paagi sa tema nga “Kalibo, Banwa Ko, Palangga Ko; Palibot Ko, Limpyo Ko”,raya eon ro kahigayunan it mga estudyante nga hikapakita ro andang creativity, knowledge ag artistry parte sa nasambitan nga tema. Tuyo pa gid it rondayang aktibidad nga makatuga it barato pero sadyaan nga Trash Receptacles sa Kalibo Pastrana Park agud magamit it publiko kun may mga daeagko nga kahiwatan sa Parke. Ro proyekto pa gid hay sangka shared responsibility ku komunidad ag makabig pa gid nga kaugalingon nga proyekto ag kawsa ro Clean & Green Program it LGU Kalibo.

Ro maga-daug sa contest hay maga-uli it P5,000 + Gift Certificate para sa 1ST Place, P3,000 + Gift Certificate para sa 2ND Place, P2,000 + Gift Certificate para sa 3RD Place ag may 5 Consolation Prizes. Ginpabutyag pa gid ni Reynaldo nga nagabaton eon makaron it mga entry ro Solid Waste Management Services ag ro deadline hay sa Enero 4, 2019. Sa dugang nga mga impormasyon, sarang magbisita sa anang taeatapan nga nahamtang sa ground floor it Kalibo Municipal Hall, Veterans Avenue, Kalibo, Aklan o pwede man tumawag sa 268-6157. Pwede man mag-send it mensahe sa SWMS Kalibo Facebook Page nga www.facebook.com/swmskalibo para sa soft copy ku entry form ag contest guidelines ag mechanics.