• Home
  • Snake Dance Ag Reenactment of the Barter of Panay sa Ati-atihan Gina-sueong Ku Konseho

Snake Dance Ag Reenactment of the Barter of Panay sa Ati-atihan Gina-sueong Ku Konseho

By: Doniel B Aguirre

Refer to: Ms. Fritzie Anne P Rillo, Information Officer

Pabor gid ro konseho it Banwang Kalibo nga buhion ro bantog nga Snake Dance ag Barter of Panay sa masunod nga pag-selebrar it Kalibo Sr. Sto. Nino Ati-atihan Festival 2019. Sa resolusyon nga gin-proponer nanday SB Members Phillip Yerro Kimpo, Jr ag Cynthia Dela Cruz, ginahinyo nanda sa insaktong institusyon ag mga opisyales nga makipag-koordinar sa dag-unan nga paghimo kara umpisa sa Ati-atihan Festival Celebration sa Enero 2019.

Suno kay SB Member Kimpo, sa ginhimo nga workshop kung KASAFI sa Roxas City, bukas sanda ra sa rondayang plano ag gindugang pa gid nana nga ginahueat-hueat gid ro Snake Dancing sa Magsaysay Park ku mga pamilya ag mga Balik Bayan. Suno pa kana, gina-respeto man nana ro ginakahiligan it mga pamantan-on makaron pero basi pwede man makapangayo it sang oras o kun daywang oras nga hikasueod ro mga tueokahon nga Happy Days ag Roll Out the Barrel.

Gindugang pa gid nana nga rong Barter of Panay nga gin-pondo kato tungod nga uwa it makitang konkretong basehan o kun peke eamang. Pero gustong i-klaro it konsehal nga ginabuhi ro Barter of Panay bukon it bilang Historical Account kundi sangka Legendary Tale. Gin-halimbawa nana sa ibang parte it Pilipinas nga ro festival nanda hay nakabase man sa legends ag myths kamana ku Magayon Festival it Bicol nga ginbase sa sangka Fantastical Creatures. Bisan pa man nga ro Barter of Panay hay bukon gid man it minatuod, kaparte imaw gihapon it Aklanon Culture bangud ku pagkilaea it Golden Salakot ag kanday Maniwang-tiwang.

Suno pa gid kay SB Kimpo, maka-usoy gid it pama-agi ro Tourism Office it Kalibo nga makasueod it pilang minuto rong reenactment agud makabu-oe ro mga turista it ideya kun ham-an gina-selebrar it Kalibo ro Ati-atihan. Rong resoluyon eamang hay nagahinyo sa Tourism Office, Aklan Historical Society, KASAFI ag Kalibo Council for Culture & the Arts nga maka-usoy it skedyul para sa Snake Dance ag Barter of Panay.