• Home
  • Service Charge Law, ginahinyo sa mga Hospitability Employees nga ika-implementar

Service Charge Law, ginahinyo sa mga Hospitability Employees nga ika-implementar

04 SEPTEMBER 2019

By: Doniel B Aguirre

Refer To: Ms. Fritzie Anne P Rillo, Information Office

Naga-suporta gid ro Sangguniang Bayan it Kalibo sa laye nga ginpirmahan ni Pres. Duterte nga “Service Charge Law” para sa ika-benipisyo it mga Rank and File Hospitality Employees sa Banwa it Kalibo. Suno kay SB Member Phillip Yerro Kimpo, Jr. proponent it aprubadong Resolusyon, maabong mga Kalibonhon ag Akeanon ro naga-trabaho sa mga hotels ag restaurant ag sigurado gid nga maka-benipisyo sanda sa bag-ong nga gin-pirmahan ni Presidente Duterte. Bago rong laye, 85% eamang it mga tips ro naga-adto sa mga Rank & File Employees ag rong 15% nga nabilin hay naka-depende sa management kun ita-o o kun indi eon pero sa bag-ong laye, bilog nga 100% it tips hay mabaton eon it mga Rank & File Employees o ratong naga-serbe gid mismo it direkta sa kustomer.

Tungod kara, ginahinyo sa Resolusyon sa mga establisimiento sa Banwa it Kalibo nga i-implementar eagi rondayang laye bangud sa abo gid ro maibulig kara sa pamilya ku mga empleyado it Restaurants ag Hotels.

Ginahinyo pa gid ni Kimpo sa Tourism Office ag Business Permits & Licensing Office nga sa tiempo it Renewal of Business Permits hay sigurohon nga naga-sunod eon sa laye ro mga Hospitality Establishments.