• Home
  • Selebrasyon it Ati-atihan 2019, pinakamatawhay base sa Kalibo Municipal Police Station

Selebrasyon it Ati-atihan 2019, pinakamatawhay base sa Kalibo Municipal Police Station

By: Doniel B Aguirre

Refer To: Ms. Fritzie Anne P Rillo, Information Officer

Ginpabutyag ni Psupt Richard Mepania, Chief of Police ku Kalibo Municipal Police Station nga ro Selebrasyon ku Kalibo Sto. Nino Ati-Atihan Festival 2019 ro pinaka-matawhay. Raya ro anang ginpahayag sa ginhiwat nga pagbalita kung Kalibo Sto. Nino ati-atihan foundation inc. KASAFI it andang Financial Report ku Pebrero 23, 2019. Suno kay Mepania, sambilog gid eamang nga Theft Incident ro ginpa-rekord iya sa Kalibo samtang 2 man ka theft cases ro naha-rekord sa Probinsya it Akean. 1 Physical Injury rong nai-file, may report man it inaway pero uwa man nadayon nga ma-rekord bangud na-resolbar pina-agi sa amicable settlement ro mga complainants. Mga 60% man rong gin-naba it krimen partikular sa Focused Crimes sa Ati-Atihan Festival 2019 ikumpara sa 2018 nga selebrasyon.

Ginpa-abot ku Hepe it Kalibo Municipal Police Station nga nagnaba man ro krimen sa selebrasyon tungod ku mga 4 ka police operations nga andang ginhimo. May una man nga nadakpan it baril sa Public Screening Area PSA.  Maabo man nga Bottled Drinks ro naha-kumpiska it mga Pulis angot man sa Municipal Ordinance nga nagabawae ku pagdaea it mga bottled drinks sa Festival Zone ag naka-isyu man sanda it mga Traffic Citation Tickets sa mga Violators sa durasyon it Festival. 210 man ro naha-kumpiska nga pakete it sigarilyo sa pag-eabag it Ordinansang nagabawaea sa pagsigarilyo sa pampublikong lugar sa Kalibo.

Ginpa-abot ni Mepania nga ro Kalibo Municipal Police Station hay nag-trabaho it mayad. Kaparehas man gihapon nga Security Feature ro anang igapatuman sa masunod nga Ati-Atihan Festival Celebration pananglitan nga imaw pa ro Hepe it mga Kapulisan.