• Home
  • Search for the Cleanest & Greenest Brgys. sa Kalibo, iga-lunsar ku Munisipyo

Search for the Cleanest & Greenest Brgys. sa Kalibo, iga-lunsar ku Munisipyo

16 OCTOBER 2019

By: Doniel B Aguirre

Refer To: Ms. Fritzie Anne P Rillo, Information Office

Sa katuyuan nga maka-tipon it impormasyon ag ma-monitor ro pagsunod sa RA 9003 o kun Ecological Solid Waste Management Program, creating the necessary Institutional Mechanisms & Incentives, declaring certain acts prohibited & providing penalties, appropriating funds therefor and for other purposes, kilaeahon ag taw-an it padungog ro mga Barangay nga nag-madinaeag-un sa pag-implementar ku Ecological Solid Waste Management, ma-kumbinyo ro mga Baryo nga adaptahon ro Best Practices sa Solid Waste Management ag kilaeahon ro mga pinasahe ag kaka-iba nga Ecological Solid Waste Management Approach nga maga-serbe nga modelo sa ibang Brgy., iga-lunsar ku Munisipyo it Kalibo sa pagpanguna ku Solid Waste Management Services Office it Kalibo sa pagpamuno ni Ms. Adorada Reynaldo, gin-kasugtanan eon kahapon adlaw nga Martes Oktubre 15 ro pag-lunsar it Cleanest & Greenest Brgys. sa Kalibo kun sa siin nakataeana ra sa Oktubre 28 adlaw nga Lunes sa 3RD Floor it Kalibo Municipal Building.

Isaeang ka briefing ro pagahimuon ku Munisipyo it Kalibo sa nasambitan nga petsa sa mga Punong Brgy. imaw man ro pag-panupod it guidelines ag mechanics.  Ro pag-sumite it mga Entry Forms ag Reports it Brgy. Council sa Search Secretariat hay sa katapusan nga Dominggo it Pebrero 2020, sa Marso 2020 pagahimuon ro premerong balidasyon kung Search Committee. Sa premerong dominggo man it Marso 2020 paga-himuon ro pinal nga balidasyon ag sa Hunyo 12, 2020 paga-himuon ro pag-award sa mga magada-ug nga Brgy.

 Pagapangunahan rong Search for the Cleanest & Greenest Brgy. it Validation Committee nga gina-komponihan ku SB Committee Chairperson on Environment, Municipal ENRO, Focal Person, Solid Waste Management, DENR EMB-Aklan Representative, Municipal General Services Officer, Municipal DILG Officer ag Representative halin sa Civil Society Organization. Ro mga criteria hay masunod: Implementasyon it Segregation at source, Compliance to Segregated Collection, Operation of Materials Recovery Facilities ag active Brgy. Committee for Ecological Solid Waste Management.