• Home
  • Sangka Executive Meeting, Ginahinyo it Konseho Agud Istoryahan Ro Parte sa Operasyon it Kalye Kulinarya sa Kalibo

Sangka Executive Meeting, Ginahinyo it Konseho Agud Istoryahan Ro Parte sa Operasyon it Kalye Kulinarya sa Kalibo

By: Doniel B Aguirre

Refer to: Ms. Fritzie Anne P Rillo, Information Officer

Isaeang ka Committee Meeting ro pagahimion ku komitiba ni SB Member Phillip Yerro Kimpo Jr. agud istoryahan ro presenteng sitwasyon ku Kalye Kulinarya sa Kalibo KKK. Suno kay SB Member Kimpo sa regular nga sesyon it Kalibo Sangguniang Bayan, mga tatlong buean nga naga-operate ro Kalye Kulinarya sa Kalibo ag maabong dapat ma-improbar.

Pila sa mga gin-identify nga dapat hika-ayad ro pagpadaea it mga katapo it Kalibo Auxiliary Police KAP nga nagabantay kada gabi-i ag sa parte mat-a ku mga stall holders hay uwa nagasunod sa istriktong pagbukas ag pagsira it KKK. Suno kay Kimpo, ku tiempo it Ati-atihan hay kueang-kueang ro mga stalls nga nagbukas kun sa siin rato kunta ro tiempo nga hika-showcase sa turista rong lugar. Ana pa gid nga ginpa-abot nga nagapangayo it bulig ro Tourism Office sa Opisina it Alkalde agud makahimo it Executive Meeting ag imbitahan ro mga Stall Holders.

Pabor man si Vice Mayor Madeline Regalado nga dapat gid may Executive Meeting agud istoryahan ro istriktong pagpatupad ku mga guidelines sandig man sa Ordinansa ag may una ra nga penalidad ag multa.