• Home
  • Sangguniang Bayan it Kalibo, Ginsuportahan Ro Hinyo it mga transport Sector Nga Gub-on Ro Island/Center Sa Corner Veterans Avenue Ag Archbishop Reyes St.

Sangguniang Bayan it Kalibo, Ginsuportahan Ro Hinyo it mga transport Sector Nga Gub-on Ro Island/Center Sa Corner Veterans Avenue Ag Archbishop Reyes St.

By: Doniel B Aguirre
Refer to: Mr. Efren Trinidad, Executive Assistant to the Mayor

Aprubado ku Sangguniang Bayan it Kalibo rong Draft Resolution No. 255, isaeang ka resolusyon nga nagahinyo sa Alkalde pina-agi sa Office of the Municipal Engineer nga gub-on ro istruktura nga nahamtang sa Corner Veterans Avenue ag Archbishop Reyes St., ag rong Island/Center sa Corners it Mabini ag

Archbishop Reyes St., sa Banwa it Kalibo. Rong resolusyon hay gin-proponer ni SB Member Juris Bautista Sucro tungod man ku sueat halin sa Federation of Kalibo Tricycle Operators and Drivers Association Inc. kay Mayor William Lachica nahanungod sa peligrosong istruktura sa nasambitan nga karsadahon.

Isaea man ka Public Hearing ro ginhimo ku Komitiba ni Sucro ku Agosto 8, 2017 ag gin-istoryahan ro siguridad it mga manugsakay ag motorista. Sa deliberasyon, ginkasugtanan kung tanan nga ipaguba ro island/center tungod man uwa man ra histrorical significance ag important value ag sa baylo hay nagiging delikado sa mga drivers sa andang pagmani-ubra sa karsada. Rong island/center sa corner it Mabini ag Arch. Reyes hay gin-rekomendar pa gid nga gub-on tungod gina-plano sa lugar ro pagtukod it over pass sa paea-abuton nga mga inadlaw, kamana man ro pagbutang it dugang nga streetlights ag pedestrian lane.