• Home
  • Safety ag Security Measures para sa Ati Fest 2019, plastado eon

Safety ag Security Measures para sa Ati Fest 2019, plastado eon

By: Doniel B Aguirre

Refer to: Ms. Fritzie Anne P Rillo, Information Officer

Plastado eon ro mga Safety Precautionary Measures ku mga Kapulisan it Akean sa pagahimuon nga selebrasyon ku Kapiestahan ni Sr. Sto. Nino de Kalibo sa Enero 2019. sa pagpanguna ni Mayor William Lachica, ginhimo ku adlaw nga Biernes ro Municipal Peace & Order Council MPOC Meeting agud masayuran ku LGU Kalibo ro magiging plano para sa safety it mga deboto ag mga Turista Lokal, Nasyonal ag Internasyonal nga magsaksi, magasadsad ag makiki-hugyaw sa mga Kalibonhon ag Akeanon sa Kapiestahan ni Nino Hesus.

May iga-plastar nga Inner Border Control sa Numancia-Kalibo Route, Banga-Kalibo Route ag Kalibo – New Washington Route ag iga-establisar pa gid ro Outer Border Control sa Banwa it Altavas ag Nabas. Kaparehas gihapon ku nagtaliwan nga dag-on, una gihapon ro Elevate Observation Post  kun sa siin pila sa nasambitan nga mga posts hay makita sa sueod it Festival Zone. 18 Sectors ag 3 ka mga Police Assistance Desks ro iga-establisar nga iga-manihar it mga Security Personnel halin sa PNP, AFP ag mga Force Multipliers.

Gindugang pa gid ni PSUPT. Richard Mepania, Chief of Police it Kalibo Municipal Police Station nga may igabutang eon nga Police Assistance Desk sa sueod it Kalibo Magsaysay Park ag igapadayon pa gid ro pagbutang it mga Police Screening Areas nga maga-usisa it mga back packs ag iba pang mga ginadaea nga mga pagkabutang it tanan nga magasueod sa Festival Zone.