• Home
  • RHU I ag II, gin-rekognisa ku Department of Health

RHU I ag II, gin-rekognisa ku Department of Health

By: Doniel B Aguirre

Refer to: Ms. Fritzie Anne P Rillo, Information Officer

Bangud ku epektibong pagpanerbisyo sa aspeto it ikamayad it eawas ku mga Kalibonhon, tatlong ka mga award ro ginta-o ku Department of Health sa 2 ka mga Rural Health Units sa Banwa it Kalibo makaron. Sa pagpahayag ni Dr. Makarius Tel Aviv Dela Cruz, Municipal Health Officer gin-rekognisar ku DOH ro RHU I matapos nga naha-abot nanda rong target it mga inunga nga dapat ma-deworm sa sueod it 5 dag-on nga sunod-sunod ag imaw man ro madina-eag-un nga implementasyon it Lymphatic Filariasis Elimination Program.

Ginpahayag pa ku Municipal Health Officer it Kalibo, maid-id nga ginapatupad ku Kalibo ro pagpatigayon it pagtapna sa filariasis ag sa deworming o pagduea it mga helminth o parasite sa mga tyan it mga inunga. Gindugang pa gid ku doktor nga naka-abot it 97% rong target ku 2 ka mga RHUs sa implementasyon it pag-purga ag pagpatumar it bueong kontr sa filariasis. May Special Recognition halin sa DOH ro ginta-o sa RHU II matapos nga sumobra sa 95% ro nangin deworming coverage it mga inunga nga naga-edad it 12 – 59 Months. Nangin mataas ro accomplishment kung RHU II matapos nga sumobra ro target nga 9,091 children  kun sa siin nangin 17, 694 o kun 194.6% ro accomplishment.

Ro tatlong ka mga rekognisyon para sa Banwa it Kalibo hay ginta-o ku nobyembre 29 sa Centennial Resort Hotel & Convention Center, Iloilo City sa ginhimo nga Integrated Helminth Control Program Forum & Awarding for Top Performing LGUS 2017.