• Home
  • Resolusyon it Pagkilaea ag Insentibo ginbaton ku nakadaug it 2ND Place sa 2019 National Festival of Talents

Resolusyon it Pagkilaea ag Insentibo ginbaton ku nakadaug it 2ND Place sa 2019 National Festival of Talents

26 MARCH 2019

Subject: Resolusyon it Pagkilaea ag Insentibo ginbaton ku nakadaug it 2ND Place sa 2019 National Festival of Talents

By: Doniel B Aguirre

Refer To: Ms. Fritzie Anne P Rillo, Information Officer

Ginsaksihan kahapon ku mga Empleyado it LGU Kalibo sa Monday Flag Raising Ceremony ro pagta-o it Resolusyon ag sangkiri nga kantidad it kwarta sa mga inunga nga naka-uli it ikaywang pwesto sa ginhimo nga Himig Bulilit sa bug-os nga Region 6 ag National Competition. Suno kay SB Member Rodilio Policarpio, Officer In Charge ku taeatapan it Alkalde, ro Sangguniang Bayan it Kalibo hay nagpasar it Resolusyon nga nagapanginbulahan sa mga Estudyante it Kalibo Pilot Elementary School ag imaw man ro Resolusyon kung School Board nga ginapamunuan ni SB Member Mark Vega Quimpo kun sa siiin may insentibo nga ginta-o sa mga unga.

Ginpahayag ni Vice Mayor Madeline Regalado nga ro Resolution No. 2 series of 2019 Resolution Granting Incentives to Kalibo Pilot Elementary School Pupils and Coaches who was hailed a 2ND Place Award to the 2019 Natl. Festival of Talents the Himig Bulilit Entry of Region 6 DEPED Aklan Delegates held last January 28 to February 1, 2019 at Dagupan City. Rong coach it KPES Pupils hay sanday Mr. Brian Joseph Parce ag Ms. Elen Inosanto, Teachers ku KPES.

Nagpasaeamat gid rong Coach it mga inunga sa Munisipyo it Kalibo. Sa pagpahayag ni Ms. Elen Inosanto, nagapasaeamat gid ro KPES sa pagpanguna it andang Principal Mr. Alan relloto. Suno kana, 2 ka mga unga nga gindaea nanda sa Dagupan hay mga visually impaired pero sa pihak karon hay nagpakita it kamayad sa pagkanta.