• Home
  • Regional Evacuation Center sa Brgy. Tigayon, iga turn – over eon sa Marso 6

Regional Evacuation Center sa Brgy. Tigayon, iga turn – over eon sa Marso 6

By: Doniel B Aguirre

Refer To: Ms. Fritzie Anne P Rillo, Information Officer

Iga turn – over ku Regional Disaster Risk Reduction & Management Council RDRRMC 6 sa LGU Kalibo ro bag-ong tapos nga Regional Evacuation Center REC nga nahamtang sa Brgy. Tigayon, Kalibo sa Marso 6 it rayang dag-on. Raya ro pagpahayag ni MR. Terence June Toriano, Local Disaster Risk Reduction & Management Officer it LGU Kalibo matapos ku pilang beses nga ginsaylo ro skedyul para sa formal turn over. Maabo ro ginkangay ni Mayor William Lachica halin sa Office of the Civil Defense, SB Members, Department Heads, Punong Brgy. it tanan nga baryo it Kalibo ag mga MDRRMO it Akean kun sa siin ro venue it programa hay pagahimuon sa Evacuation Center sa REC.

Sa ginpahaum nga program ku LGU Kalibo, mga bandang alas dyes y medya paga-ubrahon ro Ribbon Cutting ag Blessing, samtang si Mayor William Lachica, Municipal Disaster Risk Reduction & Management Council Chairperson ro maga-abi-abi sa mga bisita. Si Director Jose Roberto Nunez, Regional Director kung Office of the Civil Defense Dept. of National Defense VI ag RDRRMC VI Chairperson ro magapakilaea sa Keynote Speakers nga si Under Secretary Ricardo Jalad, Administrator, OCD – DND ag Executive Director, NDRRMC.

Sa turn over ceremony, ro mga Regional Directors ro maga-turn over ku responsibilidad sa Regional Evacuation Center kay Mayor William Lachica nga pagasundan rayon it MOA Signing.