• Home
  • Re enactment ku Historya it Desi Nueve Martires it Probinsya, iga-iba sa Film Documentary

Re enactment ku Historya it Desi Nueve Martires it Probinsya, iga-iba sa Film Documentary

20 FEBRUARY 2019

By: Doniel B Aguirre

Refer To: Ms. Fritzie Anne P Rillo, Information Officer

Sambilog sa mga inobasyon o kun mga aktibidad nga igapasundayag sa ika 122 Anyos nga Komemorasyon ku pagkabaganihan it Desi Nueve Martires it Akean, ro pagbu-oe it mga Video Footages sa pagahiwaton nga Re Enactment sa Marso 23, 2019.

Ginpabutyag ni Ms. Maranatha Vargas, Community Affairs Officer it LGU Kalibo nga nakabaton it komunikasyon ro Munisipyo halin sa UP Visayas nga presenteng naga-ubra it film nga may tig-u-eo nga “Ang Daan Patungong Tawaya”. Sambilog ra ka nga Film Documentary parte sa 19 Martyrs it Akean ag magiging parte ra ku Nationwide Film Festival nga Pista ng Pelikulang Pilipino makaron nga dag-on. Gina-proponer ku UP Visayas nga maghimo it Re enactment ku nangin kabuhi it Desi Nueve Martires it Akean agud mangin kaparte ra it Film nga Ang Daan Patungong Tawaya.

Uwa pa it eabot sa pag-iba ku Desi Nueve Martires sa Film Documentary, mag iga-instola pa gid nga Correct Marker parte sa pagkamatay ni Gen. Francisco Del Castillo nga pagapngunahan ku National Historical Commission of the Phils. NHCP ag pagbutang sa layi it 19 Martyrs Shrine bilang National Historical Site sa pakikipag-bueoligan gihapon sa NHCP sa paghinguha ku Sangguniang Bayan it Kalibo.