• Home
  • RA 10666, igapatupad sa Banwa it Kalibo.

RA 10666, igapatupad sa Banwa it Kalibo.

By: Doniel B Aguirre
Refer to: Mr. Efren Trinidad, Executive Assistant to the Mayor

Para sa kaeuwasan it mga inunga sa gina-sakay sa mga motorsiklo sa Banwa it Kalibo, ginapahanumdom ku Sangguniang Bayan it Kalibo ro Kalibo – LTO, Kalibo Municipal Police Station ag Kalibo Auxiliary Police angot sa istriktong implementasyon it RA 10666 kilaea sa tawag nga Children’s Safety on Motorcycles Act of 2015, paagi sa Resolution No. 254 nga gin-proponer nanda SB Member Cynthia Dela Cruz ag SB Buen Joy French.

Rong RA 10666 hay gin-aprubahan ku Hulyo 21, 2015 ag ro Implementing Rules & Regulations hay gin-aprubahan ku Abril 2017 ag ro implementasyon hay Mayo 19, 2017. Sa probisyon it layi, bawae sa tawo nga nagadaea it Motorsiklo kun may mga unga nga sakay nga less than 18 years old, pero pwede man ku ma-abot it unga ro standard foot peg it motorsiklo. Indi man pwede isakay ro mga unga nga indi makasarang makabuyot sa hawak it driver, ro mga unga man hay dapat may suksuk nga protective helmet.

Ro penalidad sa madakpan nga driver hay P3,000 sa 1ST Offense, P5,000 sa 2nd Offense ag 3rd Offense hay P10,000 ag revocation of driver’s license. Tungod man nga bag-ong kasuguan pa eamang, ginahinyo ni SB dela Cruz ro Traffic Division nga maghimo it Public Information sa sueod it 3 buean bago sa implementasyon it kasuguan.