• Home
  • PCUP ag LGU Kalibo, makikipag-hinun-anon sa mga Urban Poor

PCUP ag LGU Kalibo, makikipag-hinun-anon sa mga Urban Poor

04 MARCH 2019

By: Doniel B Aguirre

Refer To: Ms. Fritzie Anne P Rillo, Information Officer

Nagapahaum eon makaron ku Munisipyo it Kalibo ro pag-abot ku mga Empleyado ag matag-as nga Opisyal ku Presidential Commission For The Urban Poor PCUP Field Operations Division for the Visayas iya sa Munisipalidad. Suno kay Engr. Marlo Villanueva, MPDC HEAD, ro banwa it Kalibo ro napili-an ku PCUP sa bug-os nga Visayas agud maghimo it PCUP Caravan pina-agi sa tema nga”Pinagsama-Samang Serbisyo, Para Sa Tao” sa paea-abuton nga Huwebes Marso 21, 2019.

Tuyo it rondayang aktibidad nga makipag-angot sa mga Urban Poor agud hipadasig ro paghatud it mga serbisyo pina-agi sa koordinasyon ag pagbueoligan ku mga Implementing Agencies ag ku andang programa sa Disadvantaged Sector.

Bangud kara, inisyal eon nga gin-pulong ku MPDC Head ro mga Departamento ag Opisina ku LGU Kalibo agud istoryahan ro magiging hilikuton sa nasambitan nga adlaw. May kapin sa 1,500 ro paga-imbitahan ku PCUP ag LGU Kalibo sa Pastrana Park Covered Court. Kun sa siin ro mga Taeatapan ku Municipal Agricultural Services Division, Local Civil Registrar, Municipal Health Office ag Municipal Social Welfare & Development hay may mga serbisyong igata-o sa mga imbitado.