• Home
  • Pagtuga it Department of Disaster Resilience nga magabaylo ku Disaster Risk Reduction and Management, suportado ku Konseho

Pagtuga it Department of Disaster Resilience nga magabaylo ku Disaster Risk Reduction and Management, suportado ku Konseho

By: Doniel B Aguirre

Refer to: Ms. Fritzie Anne P Rillo, Information Officer

Editor: Mr. Basilides T Tabernilla, Executive Assistant II

Suportado gid ku Sangguniang Bayan it Kalibo ro House Bill 6075 ni Representative Joey Sarte Salceda nga naga-plano nga magtuga it Dept. of Resilience nga magabaylo sa presente nga Disaster Risk Reduction & Management nga ginpakilaea sa Senado ni Senador Juan Edgardo Angara sa idaeom ku Senate Bill 1994 ag Senate Bill 1735 nga gin-file ni Senador Grace Poe.

Suno kay SB Member Augusto Tolentino, nga ginpahayag ni Presidente Rodrigo Duterte sa ginhimo nana kara nga State of the Nation Address nga magtuga it isaeang ka opisina nga maga-asikaso sa mga pumoeoyo sa tiempo it kalamidad o trahedya. Gindugang pa ni Tolentino nga ro igatukod nga ahensya ro maga-dumaea man ku rehabilitation, re-construction ag iba pa gid. Suno man kay SB Member Ronald Marte, kinahang-ean gid nga pabahou-eon ro Disaster Risk Reduction & Management ag madugangan ro pondo sa kabangdanan nga samtang nagapanaw ro dinag-un hay nagabaskug, naga-eapad ag naga-abo ro bagyo ag naga-ea-in ro klima kada dag-on.

Ro nasambitan nga Resolusyon hay gin-sulong mat-a ni SB Member Augusto Tolentino ag Co – Sponsors dikato man ro presente nga mga Sangguniang Bayan Members.

Do NOT follow this link or you will be banned from the site!