• Home
  • Pag-lunsar ku Search for the Cleanest & Greenest Barangays sa Kalibo, ginhimo kahapon

Pag-lunsar ku Search for the Cleanest & Greenest Barangays sa Kalibo, ginhimo kahapon

By: Doniel B Aguirre

Refer To: Ms. Fritzie Anne P Rillo, Information Officer

Nagpahayag it suporta ro tanan nga mga Kabaranggayan ku Banwa it Kalibo kahapon sa ginlunsar ku Munisipyo it Kalibo nga Search for the Cleanest & Greenest Barangays (Model Barangays on Ecological Solid Waste Management) sa presensya ni MLGOO Ava Miriam Seraspi, MLGOO it Banwang Kalibo. Suno kay Seraspi, kinahang-ean gid nga limpyo rong palibot sa ginhiwat kahapon Oktubre 28 nga paglunsar sa Ati-Atihan County Inn. Kun sa siin ana gid nga ginpanginbulahan ro Munisipyo it Kalibo sa nasambitan nga hilikuton.

Rong Search nga maga-umpisa sa Marso 2020 hay may katuyuan nga mangin katuwang it Munisipyo ro mga baryo sa pagtatap it basura, makatipon it impormasyon ag ma-subaybayan ro pagsunod sa RA 9003, kilaeahon ag taw-an it premyo ro mga baryo nga nagmadinaeag-un sa pag-implementar it Ecological Solid Waste Management, ma-engganyo ro mga baryo nga adaptahon ro mga best practices sa Solid Waste Management ag ipasundayag ro mga tumaeagsahon ag kaka-iba nga Ecological Solid Waste Management nga mga tikang nga naga-serbeng sueondanan o modelo it ibang mga baryo.

Matapos man nga gin-eksplekar ni Ms. Adorada Reynaldo, hepe it Solid Waste Management Services ku Munisipyo ro mga paga-ubrahon it mga Barangay agud makapasakup sa search, maga-umpisa eon sa pag-sumite it mga entry forms ag reports ro mga Barangay Council sa Search Secretariat sa Pebrero 2020. Rong inisyal nga balidasyon hay sa Marso 2020 ag sa unang dominggo it Mayo 2020 ro pinal nga balidasyon imaw man ro deliberasyon ku Search Validation Committee ag rong pagpadungog sa mga magada-ug hay sa Hunyo 12, 2020 sa Selebrasyon it Environment Month ag Phil. Independence day.

Presente sa pag-lunsar kung Search sanday Vice Mayor Cynthia Dela Cruz, Engr. Jessie Fegarido, MEEDO Head, Hon. Ronald Marte, Presidente ku Liga ng mga Barangay, Ms. Merlene Aborka, PENRO Aklan. Sa ngaean man ni Mayor Emerson Lachica, ginpa-abot man ni Mr. Basil Tabernilla, Executive Assistant II ro bug-os nga suporta it Alkalde sa nasambitan nga Search for the Cleanest & Greenest Barangays (Model Barangays on Ecological Solid Waste Management ESWM.