• Home
  • Orientation sa mga bag-uhan nga mga Brgy. Health Workers, ginpatigayon ku Munisipyo it Kalibo

Orientation sa mga bag-uhan nga mga Brgy. Health Workers, ginpatigayon ku Munisipyo it Kalibo

By: Doniel B Aguirre

Refer to: Ms. Fritzie Anne P Rillo, Information Officer

Ginhimo eon ku Municipal Health Office Kalibo ro orientation para sa mga bag-uhan nga mga Brgy. Health Workers sa Banwa it Kalibo. Ro sang adlaw nga Orientation hay ginhimo kahapon adlaw nga huwebes sa 3rd floor it Munisipyo sa pagpanguna ni Dr. Makarius Tel Aviv Dela CRUZ, Municipal Health Officer ag sa bulig man ku mga Nurse Deployment Program NDP Nurses nga naka-assigned sa Rural Health Units I ag Ii.

Gintunga sa daywang ka mga parte ro sang adlaw nga aktibidad kun sa siin gintalakay ro mga topiko kaparehas ku mga Roles and Responsibilities it mga Brgy. Health Workers nga gin-eksplekar ni Leiree Khane Ilicito, NDP ag ro Maternal & Child Program Refresher hay ginhatud man ni Jaybicn Novilla ag rong orientation nahanungod sa RMNCAHN Program hay gin-eksplekar man ni Gerrely Flores.

Gintalakay pa gid ro parte sa Demand Generation Activities, Mother’s Class, IYCF Peer Counselling, Adolescent Services and Summery ag rong Orientation parte sa WRA Tracking & Household Profiling.