• Home
  • Organization Development it LGU Kalibo, gina-update makaron

Organization Development it LGU Kalibo, gina-update makaron

21 FEBRUARY 2019

By: Doniel B Aguirre

Refer To: Ms. Fritzie Anne P Rillo, Information Officer

Pagtaliwan it 5 dag-on nga ginbaeay ro Organization Development OD ku Munisipyo it Kalibo, gina-umpisahan eon makaron ku Lokal nga Gobyerno it Kalibo ro pag-update kara. Sa meeting nga ginhimo ku Office for the Human Resource kahapon Pebrero 20, 2019 sa mga Department Heads ag Representatives it tanan nga mga taeatapan ku Munisipyo, paga-pili-un eon ro maga serbeng Enumerators agud maghimo ku serye it mga interviews sa mga empleyado nahanungod sa andang Career Plan, Human Issues ag iba pa gid.

Sa pagpahayag ni Mr. Leenard Cristobal, HRMO III, rong Organization Development OD hay nagdaea it pagbag-o sa Organisasyon ag nakabulig gid sa Human Resource Strategic Planning & Management agud ma-angkon ro de-kalidad nga pag-ginobyerno. Gindugang pa gid ku HRMO III nga sa pag-review ku naga-eksister nga Organizational Structures it kada opisina ag departamento, nangin basehan ra sa Proposed Restructuring o Creation it mga posisyon. Samtang sa aspeto man it Administrative Concerns, nakit-an ro pilang ka mga isyu kaparehas ku: Office Congestion/Limited Space, Multi-Tasking/Multi-Designation/Uneven Distribution of Workload, Understaff sa pilang ka mga taeatapan nga nag-resulta it work overload, kaku-eangan it mga trainings ag seminars nga amat-amat eon nga ha-solusyonan ku LGU Kalibo.

Sa paea-abuton nga Pebrero 26, iga-identify ku mga Department Heads ro magiging enumerators, igasunod rayon ro orientation sa Pebrero 28 nga igapasilita ku Office for the Human Resource ag PLRT Team. Maga-umpisa man ro serye it mga research sa Marso hasta it Abril kun sa siin magatutok ro mga Department Heads ag Enumerators sa Human Mapping ag Revisiting & Review of Organizational Structure.