By: Doniel B Aguirre

Refer To: Ms. Fritzie Anne P Rillo, Information Officer

Sa pangaean ni Mayor William Lachica, nagpa-abot it suporta ro Munisipyo it Kalibo sa pagtapna it krimen ku mga Kapulisan. Sa ginhimo nga Kick Off Ceremony ku 24TH Natl. Crime Prevention Week gamit ro tema nga “Mamamayan, Sama-Sama Makialam Upang Krimen at Korapsyon ay Hadlangan”, kahapon Setyembre 3, 2018 sa ABL Sports Complex, ginpabutyag ni Vice Mayor Madeline Regalado sa

By: Doniel B Aguirre

Refer To: Ms. Fritzie Anne P Rillo, Information Officer

Ginkalipay gid ku Konseho it Kalibo ro bag-ong kadaeag-an ag dungog nga ginta-o ni Ms. Cherry May Felicidario Regalado matapos nga nahabu-oe kara ro Bronze Medal sa Pencak Silat ag pag-representar pa gid ku Pilipinas sa 18TH Asian Games Jakarta-Palemeang 2018 nga nag-umpisa ku Agosto 18 hasta it Setyembre 2, 2018. 2 ka mga SB Members ro nag-ubra it mga Resolusyon it pagdayaw kay regalado pero ginkasugtanan nga ilibahon eon nanday SB Members Buen Joy French ag Phillip Yerro Kimpo Jr.

Rong Pencak Silat Indonesian pronunciation pentjak silat hay sangka klase it Indonesian Martial

By: Doniel B Aguirre

Refer To: Ms. Fritzie Anne P Rillo, Information Officer

Nagapa-idaeom makaron sa 2 Day Skills Training for Utility Workers, Laborers and Administrative Services Employees ro mga Empleyado ku LGU Kalibo sa Ati-Atihan County Inn Function Hall. Handum gid ku Office for the Human Resource Management it Banwang Kalibo sa pagpamuno ni Ms. Eleanor Isada, HRMO V madugangan ro mga kaaeman agud magamit sa andang mga Responsibilidad sa mga Opisina kaeakip man ro Health and Wellness, Security and Protection.

15 AUGUST 2018

By: Doniel B Aguirre

Refer To: Ms. Fritzie Anne P Rillo, Information Officer

Sa handum ku Munisipyo it Kalibo nga mangin sadyaan ro lugar nga ginabaligyaan sa kilid it Veterans Avenue corner F. Quimpo St. partikular sa likod it Kalibo Integrated Special Education Center KISEC, gin-pulong eon nanday Mayor William Lachica ag Engr. Jesse Fegarido, MEEDO Head ro 19 ka mga naga-ukopa sa nasambitan nga lugar agud impormahan nga plano ra ku Munisipyo nga hika-ayad.

15 AUGUST 2018

By: Doniel B Aguirre

Refer To: Ms. Fritzie Anne P Rillo, Information Officer

Ginahinyo makaron ku Sangguniang Bayan it Kalibo ro mga Eskwelahan sa Kalibo partikular ro mga Estudyante kara nga magpamasyar ag magbasa ku bag-ong koleksyon it 42 ka mga “Aklat Ng Bayan”. Sa Resolusyon nga gin-proponer ni SB Member Phillip Yerro Kimpo Jr.  Ginahinyo nana ro bulig it Tri Media ag mga Eskwelahan agud hibasa ro nasambitan nga mga libro tungod gin-alokar gid ra ku Gobyerno Nasyonal para sa Kalibo Municipal Public Library.

10 AUGUST 2018

By: Doniel B Aguirre

Refer to: Ms. Fritzie Anne P Rillo, Information Officer

1,032 ka mga ka mga Kalibonhon ro nagbaton it andang mga Membership Data Records ag Identification Cards kung Philhealth kahapon sa Kalibo Pastrana Park Covered Court. Sa programa nga “Alaga ka para sa Maayos nga Buhay”, sangka kolaborasyon ku Philhealth, LGU Kalibo, DOH ag iba pang mga Share Holders, nangin kahigayunan ra nga mabaton eon ku mga Kalibonhon ro andang mga MDRs agud andang ma-korehan ag magamit kung nagasueod sa Doctor Rafael S Tumbokon Memorial Hospital.

10 AUGUST 2018

By: Doniel B Aguirre

Refer to: Ms. Fritzie Anne P Rillo, Information Officer

Gina-imbitahan makaron ku Kalibo Sto. Nino Ati-Atihan Foundation Inc. KASAFI nga naga-usoy makaron it mga kababayehan nga pamatan-on agud mangin kandidata sa Search for Mutya it Kalibo Ati-Atihan Festival 2019. Suno sa KASAFI, nagabaton eon sanda it aplikasyon ag Registration Forms sa KASAFI Office 2ND floor it Capt. Gil Mijares Bldg. corners 19 Martyrs St., ag Rizal Sts, Kalibo, Aklan.

09 AUGUST 2018

By: Doniel B Aguirre

Refer to: Ms. Fritzie Anne P Rillo, Information Officer

Document Review, Interview ag On Site Validation ro ginhimo ku mga National Validators para sa 2018 Seal of Good Local Governance kahapon sa Munisipyo it Kalibo. Ro LGU Kalibo hay sambilog sa 3 ka mga Banwa sa Akean nga may potensyal nga magdaug sa National Level it SGLG. Ginpanginbulahan gid ni Mayor William Lachica ro mga Empleyado it Munisipyo kaibahan ro Deped Family tungod kaeakip ro Ati-Atihan Town it Kalibo sa SGLG. Suno sa Alkalde, naha-access it Performance Challenge Fund PCF ro LGU Kalibo matapos nga nagdaug ra it 2 magkasunod nga dag-on. Ku 2016, nabaton ku Munisipyo ro P3 Million nga PCF kun sa siin ginpatindog ro Bagsakan Center sa Public Market ag ku 2017 PCF hay gingamit ro P2 Million sa konstruksyon it Stalls sa Kalibo Public Market.

08 August 2018

By: Doniel B Aguirre

Refer to: Ms. Fritzie Anne P Rillo, Information Officer

Gina-imbitahan makaron ku Municipal Health Office it Kalibo ro mga Kalibonhon nga uwa pa naka-donar it dugo sa nakalipas nga 6 buean nga pwede sanda mag-donar it dugo sa Agosto 15, 2018 adlaw nga Miyerkules sa 3rd floor it Kalibo Municipal Building. Katuwang it LGU Kalibo ro Mercury Drug Store ngani ro ana kara nga mga Empleyado ag pamilya ro gina-ekspektar nga maga-donar ag pwede man makig-iba ro mga Kalibonhon sa pag-donar.

Ginpa-abot ni Dr. Makarius Tel Aviv Dela Cruz, Municipal Health Officer it Kalibo nga pwedeng mag-donar it dugo ro naga-edad it 18 hasta it 60 anyos. Naga-bug-at it 50 kilos pataas, uwa naka-inum it mga Alcoholic Drinks sa sueod it 24 oras ag may bastante nga tueog. Ro mga maga-donar it dugo hay iga-agi sa screening procedure kaparehas ku pagbu-oe ku maisot nga amount it dugo agud i-tsek ro hemoglobin level nga sangka component sa dugo nga naga-daea it oxygen sa eawas. Kun ro hemoglobin level hay normal ag kun pasado sa screening requirements hay pwede eon rayon maka-donar it dugo.

Pila man sa benipisyo sa pag-donar it dugo hay ro mga masunod: may free blood analysis, nababawasan ro peligro nga maka-angkon it cancer, nagiging healthy ro heart and liver, weight loss ag nakapamayad-ayad ro blood cell production. Importante gid ro pag-donar it dugo tungod gina-bulig ra sa mga pasyente nga nagakinhang-ean blood transfusion agud buligan ro mga cancer patients, may bleeding disorders, chronic anemia, heridetary blood abnormalities.

08 August 2018

By: Doniel B Aguirre

Refer to: Ms. Fritzie Anne P Rillo, Information Officer

Ginapahisayod makaron ku Sangguniang Bayan it Kalibo nga himuslan ro kahigayunan nga maka-eukat eagi it bag-ong taripa o kun Fare Matrix it pamasahe sa mga Tricycles iya sa Banwa it Kalibo. Haum eon ro mga taripa it bag-ong pamasahe it mga tricycles kun sa siin ro deadline ku pagpanupod it mga Taripa hay sa Agosto 11, 2018 adlaw nga Sabado. Daehon eamang ro orihinal nga kopya it prankisa ag orihinal nga papeles nga gin-isyu ku Business Permits and Licensing Division it Kalibo makaron nga dag-on.

Visitor Counter

069985
Users Yesterday : 161
This Month : 3557
This Year : 41349
Total Users : 59985
Views Today : 370
Total views : 301980
Who's Online : 1
Your IP Address : 54.198.103.13
Server Time : 2018-09-22

Visit Us