• Home
  • National Housing Authority, nagahimo it balidasyon para sa andang Housing Project

National Housing Authority, nagahimo it balidasyon para sa andang Housing Project

23 January 2018

By: Doniel B Aguirre

Refer to: Ms. Fritzie Anne P Rillo, Information Officer

Ginapahisayud ku Municipal Planning & Development Coordinator it Kalibo sa mga residente it Purok 1, 2, 3, 4, 5, 6, 7, 13 ag 14 imaw man ro resdiente ku Poblacion Centro, Calle Ueogyonan ag Bliss Site nga umadto eon sa Kalibo Pastrana Park Covered makaron nga adlaw alas otso hasta it alas singko sa hapon agud magpa-idaeom sa balidasyon ku National Housing Authority NHA para sa Housing Project kara.

Rondayang Housing Project hay gintinguha ku Munisipyo nga hidaea sa Banwa it Kalibo agud may ma-istaran ro mga kalibonhon nga makapasar sa validation it NHA agud malikawan eon ro dugang pa gid nga kasamaran sa oras nga may umagi nga bagyo ag baha sa banwa it kalibo. Partikular nga ginapanawagan ku Munisipyo it Kalibo ratong mga residente nga apektado it bagyong yolanda ag ratong ro mga baeay hay nagatindog sa danger zone. Ginapangabay nga magdaea eamang it mga Identification Cards, kopya it Marriage Contract ag iba pang identification cards para magiging maeomo sa maga-validate.