• Home
  • Mural Wall Paintings sa Concrete Wall Fence it Kalibo Cathedral gin-Turn Over eon kun UAP Aklan sa Simbahan

Mural Wall Paintings sa Concrete Wall Fence it Kalibo Cathedral gin-Turn Over eon kun UAP Aklan sa Simbahan

By: Doniel B Aguirre

Refer to: Ms. Fritzie Anne P Rillo, Information Officer

Gin-turn over eon ku United Architects of the Phils. UAP Aklan Chapter sa Katedral ni Saint John the Baptist ro mga Mural Wall Paintings sa Concrete Wall Fence kara kahapon Disyembre 13, 2019. Uebos gid ro pagpasaeamat ni Architect Rea Mae Fagtanac, UAP Aklan Chapter President sa nangin suporta ku anang mga kaibahan nga nag-ubra it mga Mural Wall Paintings kamana ku: United Architects of the Philippines UAP Student Auxiliary – Aklan State University ag United Architects of the Phils. UAP Graduate Auxiliary. Ana nga ginpasaeamatan si Reverend Father Jose Tudd Sazon Belandres, Moderator, St. John the Baptist Team Ministry sa pagsalig ag suporta sa andang proyekto daea man ro anang pagpasalig ku andang suporta ag bulig oras nga magakinahang-ean ro Simbahan.

Ginpabutyag man ni Rev. Fr Tudd Belandres ro anang kalipay ag pagsaeamat sa UAP matapos nga ginpakita kara ro talento nga ginta-o kanda it Ginoo, sa mga Parokyano ag mga pumoeoyong Kalibonhon. Suno kana, bugana gid sa Historical, Cultural ag Spiritual nga aspeto ro nasambitan nga Mural Wall Paintings tungod ginapakita kara ro mga Simbahan, Tourism Spots, Landmarks ag iba pa it mga Kabanwahunan sa Probinsya. Gindugang pa gid nana nga kun makita ra it mga turista hay makata-o kanda it kaaeaman kun ano gid ro kina-iya ku Probinsyang Akean. Ana man nga gin-promesa nga tatapon ag likawan nga ma-vandalized ro Mural Wall Paintings.

Ginpa-abot man ni SB Mark Vega Quimpo, Chairperson Committee on Culture & the Arts ro anang pagpasaeamat. Sadyaan gid pamantawon ro nasambitan nga mga paintings ag gina-promote pa gid ro mga Simbahan sa Akean. Nagapasaeamat gid si Kimpo sa UAP sa padayon nanda nga pagbulig halin pa ku 2014 matapos nga gin-adaptar nanda rong lugar.