• Home
  • Munisipyo it Kalibo, nagasuporta sa Million Volunteer Run Year 5 kung Phil. Red cross

Munisipyo it Kalibo, nagasuporta sa Million Volunteer Run Year 5 kung Phil. Red cross

07 AUGUST 2019

By: Doniel B Aguirre

Refer To: Ms. Fritzie Anne P Rillo, Information OfficeGinapahayag makaron ku Munisipalidad it Kalibo ro suporta kara sa pagahimuon nga Million Volunteer Run 5 nga aktibidad ku Philippine Red Cross eabi gid ro Resource Generation Activities kung PRC Aklan Chapter. Sa ika 5 nga regular nga sesyon it Sangguniang Bayan it Kalibo ku Lunes Agosto 5, 2019 gin-proponer nanday SB Member Phillip Yerro Kimpo Jr. ag Vice Mayor Cynthia Dela Cruz ro pag-suporta sa nasambitan nga aktibidad kaibahan pa gid ro iba pang Resource Generation Activities kung PRC Aklan paage sa paghinyo sa mga concerned agencies nga magbulig para sa nasambitan nga programa.

Rong National Million Volunteer Run 5 hay nakataeana sa Disyembre 8, 2019 ag dueongan nga paga-ubrahon sa mga Siudad ag Munisipalidad sa bug-os nga Nasyon. Ginpabutyag ni Vice Mayor Dela Cruz nga tuyo it programa nga makatipon it pondo para sa mga PRC Natl. Headquarters para makaserbisyo sa pumoeoyo ag mabuligan ro mga Local Chapters eabi gid ro PRC Aklan. Rong PRC Aklan makaron hay naga-usoy it sponsors para sa mga runners eabi gid ro pag-ganar it 30% sponsorship ku kabilugan nga Registered Businesses kun sa siin mga 6 o 12 ka mga runners ro ma-suportahan it sangka Business Establishment.

Tungod sa 30% it Registered Businesses sa Kalibo hay importante gid, ginahinyo man ku Sangguniang Bayan it Kalibo ro pakig-bueoligan sa Business Permits and Licensing Division (BPLD). Rason nga ginahinyo ku Konseho nga magbulig ro BPLD sa PRC Aklan Chapter eabi gid sa pagta-o it daean o access sa Data Base it Registered Businesses ag ro pagpadaea it Official Communications o sueat para sa nasambitan nga mga sponsor.