• Home
  • Munisipyo it Kalibo, nag turn over it 3 ka mga Motorcycle with Sidecar sa 3 ka Brgy

Munisipyo it Kalibo, nag turn over it 3 ka mga Motorcycle with Sidecar sa 3 ka Brgy

02 APRIL 2019

Subject: Miembro ku Kalibo Ati-Atihan Accommodations Association, gin-tun-an ro parte sa Gender and Development ag mga benipisyo it mga Babayeng Empleyado

By: Doniel B Aguirre

Refer To: Ms. Fritzie Anne P Rillo, Information Officer

Sa bulig nanday Ms. Carmela Abellar ag Ms. Methusela Norma Janabon ku DOLE Aklan, maabong mga nasayran ro mga miembro it mga Accommodation Establishments kung Kalibo Ati-Atihan Accommodations Association KAAA parte sa sari-saring mga benipisyo it mga Babayeng Empleyado sa andang mga Establisimiento kaeakip man ro parte sa Gender & Development.

Pila sa mga ginturo ku DOLE Aklan hay ro parte sa General Labor Standards ag Leave Benefits ag imaw man ro mga Rights & Benefits it Kasambahay nga nagatalakay ku tanan nga mga kasuguan nga naga-protekta sa kamaeayran it mga Empleyado. Ginpahanumdom pa gid ku DOLE Aklan sa mga Accommodation Establishments nga magpili it Empleyado nga kinahang-ean nandang ipadaea sa Basic Occupational Safety Course BOSC bangud isaeang ka requirements eon raya makaron. Naghinyo pa gid ro DOLE Aklan sa mga Hotels ag Inns sa Banwa it Kalibo nga mag-preparar sa paaghimuon nga Regional Career Advocacy Congress sa Oktubre 2019 para i-akomodar ro mga delagado kara sa andang mga establisimiento.

Gindugang pa gid ni Mr. Gerwin Garcia, Presidente kung KAAA nga kinahang-ean sumunod sa mandato it layi partikular ro Accessibility Law. Suno kana dapat gid nga may una nga mga ramps, hand bars ag iba pang pasilidad para sa mga kliyente nga Persons With Disability, Elderly Persons ag iba pa gid.