• Home
  • Munisipyo it Kalibo, may una eon nga Fire Brigade

Munisipyo it Kalibo, may una eon nga Fire Brigade

02 SEPTEMBER 2019

By: Doniel B Aguirre

Refer To: Ms. Fritzie Anne P Rillo, Information Office

Kaeakip eon ro Munisipyo it Kalibo sa mga may una eon nga Fire Brigade. Sa Monday Flag Raising Ceremony, ginbaton eon ku 51 ka mga Empleyado it LGU Kalibo ro andang mga Identification Cards ag Certificate Of Competency COC halin sa Bureau of Fire Protection. Ginpabutyag ni Mr. Terence June Toriano, FINSP Sidgie Gerardo ag Fire Superintendent Nazrodin Cablayan nga ro Munisipyo pa eamang sa tanan sa mga lgus ro may una nga Fire Brigade.

Ginpabutyag ni Fire Inspector Sidgie Gerardo, Kalibo Fire Marshall nga ro kaibahan ku Banwa it Kalibo nga may Fire Brigade hay ro Gaisano City Kalibo nga gin-isyuhan it COC sa Private Sector, may una man nga Fire Brigade ro Philbake Bread & Butter kaeakip man ro Provincial Hospital ag Panay Health Care ag iba pa gid. Ro mga Fire Brigades man hay required nga maghimo it practice drill evaluation kada dag-on bangud nga maga-age ra it uman sa evaluation o kun kanselasyon kon indi makapasar.

Presente man sa Monday Flag Raising Ceremony si Fire Superintendent Nazrodin Cablayan, Provincial Fire Marshal it Akean kun sa siin ginpadumdom nana sa mga empleyado ro paglikaw sa sunog ag kun nano ro posible nga ubrahon sa oras nga manabu ro sunog. Sundon eamang ro acronym nga SAFE nga ro buot hambaeon hay Sound the alarm, Advice the nearest Fire Department, Fight the fire ag Exit the building.