• Home
  • Munisipyo it Kalibo may pagahimuon nga Kkk Street Party Dress Up Contest

Munisipyo it Kalibo may pagahimuon nga Kkk Street Party Dress Up Contest

19 JUNE 2019

By: Doniel B Aguirre

Refer To: Ms. Fritzie Anne P Rillo, Information Office

Gina-imbitahan makaron ku Munisipyo it Kalibo ro tanan nga gustong mag-entra sa pa contest ku LGU Kalibo may kaangtanan sa selebrasyon ku Kapiestahan ni San Juan De Bautista. Angot kara, isaeang ka Street Party Dress Up Contest ro pagahimuon kada gabii hay may Party Theme nga pagahimuon sa Veterans Avenue. Sa Hunyo 21 hay Musikabataan para sa mga pamatan-on kun sa siin ro tema hay Millenial Look. Sa Hunyo 22 hay Throw Back Groove ngani ro suksuk hay nakasueod sa dekada 80 ag 90 samtang sa Hunyo 23 hay One For All, All For One ag pwedeng mag-suksuk it mga eambong nga gusto nimo o nagakabagay kimo.

Rong Mechanics hay ro mga masunod: ro participants hay dapat una sa venue umpisa it alas 6 hasta it alas 8 sa gabii. Ro participant nga gustong mag-entra hay mag-rehistro sa Official Log Book ku anang kumpletong panga-ean. Para maka-register, ro participant hay kinahang-ean mag-order it pagkaon o kun kaparte imaw it bisan ano nga grupo nga nag-order it pagkaon sa bisan ano nga stall. Rong stall owner hay magata-o it stub para sa naga-entra sa contest.

Ro magadaug hay iga-anunsyar sa alas 9 it gabi-i. Ro magadaug hay magabaton it P500.00 nga Gift Certificate halin sa Bluzza Shoppe ag Sidlak Eyewear.