• Home
  • Munisipyo it Kalibo, maka-angkon eon it G.I.S. Dengue Mapping System

Munisipyo it Kalibo, maka-angkon eon it G.I.S. Dengue Mapping System

By: Doniel B Aguirre

Refer to: Ms. Fritzie Anne P Rillo, Information Officer

Ma-angkon man ku Munisipyo it Kalibo ro sangka Award Winning G.I.S. Dengue Mapping System ku Cebu City. Sa Draft Resolution No. 298 nga gin-proponer ni SB Member Phillip Yerro Kimpo, anang ginpahayag nga sa ginhimo nga Visayan Information Communications Technology Conference nga ginhiwat sa New Washington kun sa siin isaea sa mga presentor hay naghalin sa Cebu City nga nagpakilaea ko Geographic Information System GIS Dengue Mapping System.  Rong GIS hay nagdaug it E-Governance Award ku 2017 kun sa siin rong Information & Technology Department ag City Health Office hay naga-bueoligan para ma-rekord ro mga insidente it Dengue hay gina-ubra nga digital ag ginasueod sa GIS System ag naga-guwa rayon sa mapa kun sa siin nakikita ro lugar kun siin ro mga Dengue Cases.

Suno kay Kimpo, pwedeng mapag-pilian kun mauno matan-aw ro mga Dengue Cases halimbawa kun city view, brgy. view ag sitio view. Nagiging madali man ro pag-identify kun ham-an naga-eksister ro dengue sa partikular nga lugar. Ginpa-abot pa gid ni Kimpo nga gusto man ku Cebu City nga makata-o it bulig sa LGU Kalibo samtang ginpa-abot pa nana nga ro LGU Kalibo hay may una man nga GIS pero uwa pa gid nahagamit sa Dengue Mapping ngani raya eon ro kahigayunan.

Kun hikapadaea rong Resolusyon, pwedeng magpadaea ro LGU Kalibo it mga empleyado sa Cebu City agud tun-an ro software ag kaaeaman parte sa GIS Dengue Mapping System ag kamana man, may posibilidad man nga makapadaea ro LGU Cebu it empleyado agud ma-tsek ro implementasyon it sistema