• Home
  • Munisipyo it Kalibo, ginsau-eog ro Ika 23 Anyos it Kalibo Municipal Officials & Employees Sportsfest

Munisipyo it Kalibo, ginsau-eog ro Ika 23 Anyos it Kalibo Municipal Officials & Employees Sportsfest

By: Doniel B Aguirre
Refer To: Ms. Friztie Anne P Rillo, Information Officer, Office of the Mayor

Ginpangunahan ni Mayor William Lachica ag Vice Mayor Madeline Regalado ro pagbukas it sang dominggo nga 23RD Kalibo Municipal Officials & Employees Sportsfest sa Kalibo Magsaysay Park. Si SP Member Harry Sucgang, ro gin-imbitahan ku Alkalde bilang Guest Speaker kaibahan man si SP Member Nolly Sodusta. Sa Opening Ceremony kahapon, ginpakilaea sa mga empleyado ku Munisipyo it Kalibo si Col. Carlos Cadaban, ku San Miguel Corporation ag Ms. Rodora Bolivar it Unitop General Merchandise kun sa siin ginsaksihan pa gid ku mga Empleyado ro Ceremonial Turn Over it daywa ka mga Police Cars sa Kalibo Municipal Police Station.

Ginpabutyag it Alkalde nga nakabaton it gin-donar nga mga saeakyan ro Munisipalidad tungod man ku katawhay ag kaayusan sa Banwa sa bulig it mga Kapulisan. Gin-anunsyar man ku Alkalde ro pagbukas it Unitop General Merchandise sa Nob. 10, 2017. Nagpa-abot man it pagsapaeamat si Police Senior Inspector Honey Mae Ruiz, Chief of Police it Kalibo. Suno kana, tumaas ro morale it anang mga kaibahan bangud ku importansya ag suporta nga nahabaton nanda sa Munisipyo ag sa Pribadong Sektor.  Gindugang pa ku Hepe it Kapulisan nga padayon gihapon nga magaserbisyo ro mga Pulis agud sigurohon ro siguridad sa tanan nga oras bisan sa pihak it pilang ka mga kontrobersiya nga ginaka-imbolbaran it pilang ka mga miembro it Pulis sa ibang parte it Nasyon.

Si Vice Mayor Madeline Regalado man ro nagpanguna it Ceremonial Toss matapos nga gin-deklarar it Alkalde ro opisyal nga pagbukas it Sportsfest nga magatapos sa Oktubre 27.