• Home
  • Munisipyo it Kalibo, Ginpulong Eon Ro Sari-saring Ahensya Bilang Banwa Nga Ma-apektuhan Man Ku Rehabilitasyon it Boracay.

Munisipyo it Kalibo, Ginpulong Eon Ro Sari-saring Ahensya Bilang Banwa Nga Ma-apektuhan Man Ku Rehabilitasyon it Boracay.

By: Doniel B Aguirre

Refer to: Ms. Fritzie Anne P Rillo, Information Officer

Tungod ku kabaeaka ni Mayor William Lachica sa mga Kalibonhon nga maa-pektuhan ku rehabilitasyon It Boracay umpisa it Abril 26, isaeang ka Consultative Meeting ro ginhimo ku lgu Kalibo kun sa siin ginkangay ro mga sari-saring ahensya it Gobyerno kamana ku DOLE, DTI, DOT, DSWD, TESDA aG iba pa gid agud mabu-oe ku Munisipyo it Kalibo ro mga posibleng tikang agud mabuligan ro mga Kalibonhon nga maapektuhan ro andang pangitan-an.

Ginbalita ku dole nga makaron hay nagahimo it sanda profiling agud makit-an ag masayran kun taga siin ro mga empleyado ag kun ano ro andang trabaho sa isla para may masayuran ku Gobyerno ro ana kara nga pagataw-an it bulig. Ginpa-abot ni Carmela Abellar, kung dole aklan nga may mga hotels ag lounges sa Kalibo nga nagpa-abot it pagbuhin it mga empleyado pero gin-rekomendar kung DOLE nga maghimo eamang it Flexible Work Schedule para malikawan ro pagpa-eos it Empleyado. May anda man nga igata-o nga emergency employment sa sueod it 30 days para sa mga formal sector workers o ratong may mga emploeyers ag informal sector workers kaparehas ku mga tricycle drivers, e-trikeag van drivers, masseurs, vendors bilang anda kara nga interbensyon it Gobyerno. May sweldo nga P320.50 per day ro mga benipisaryo it Emergency Employment para sa mga informal sector workers samtang pagatan-awon man ku mga DOLE directors kun ano ro andang hikata-o nga bulig para sa formal sector workers.

Rondayang mga Informal Sector Workers ro magabulig sa Clean Up, Infrastrucure, De Clogging o Demolition. Gin-suggest pa gid ni Abellar nga para sa Kalibo, mas mayad nga maka-ubra it listahan ku tanan nga mga Kalibonhon Workers agud masayran ro husto nga intervention sa magiging Displaced Workers. Ginakilaea gid ku DOLE ro mga maapektuhan iya sa Kalibo tungod ro mga suplay it pagkaon, transportasyon paadto sa Boracay hay iya man nagahalin sa Banwa it Kalibo. Dugang kara, rong DOLE ag DTI hay may job fair sa May 17, maga-imbita sanda it mga employers nga maga-usoy it Empleyado.