• Home
  • Munisipyo it Kalibo, ginatinguha nga makabakae it lote para sa mas mabahoe nga tindahan

Munisipyo it Kalibo, ginatinguha nga makabakae it lote para sa mas mabahoe nga tindahan

By: Doniel B Aguirre

Refer to: Ms. Fritzie Anne P Rillo, Information Officer

Editor: Mr. Basilides T Tabernilla, Executive Assistant II

Ginatinguha makaron kung Munisipyo it Kalibo nga makatukod it mas mabahoe nga tindahan sa guwa it Brgy. Poblacion, Kalibo nga maga-serbe bilang Kalibo Terminal Market. Sa Regular nga Sesyon it Kalibo Sangguniang Bayan ku Lunes, isaeang ka Resolusyon ro gin-aprubahan it Konseho bilang suporta sa plano ku LGU Kalibo sa Administrasyon ni Mayor Emerson Lachica nga magtukod it mabahoe ag bag-o nga tindahan matapos nga gin-baeay ro plano sa ginpatigayon nga budget hearing.

Ginpabutyag ni Vice Mayor Cynthia Dela Cruz ro pagka-sunog it Kalibo Public Market ku Setyembre 15, 2019 hay nag-dueot sa Munisipyo it Kapierdihan ag imaw man sa mga nagabaligya ag nagka-resulta man inkumbenyensya sa mga bumaea-kae. Bangud kara, nagkasugot ro Local Finance Committee nga magbakae it lote sa guwa it Brgy. Poblacion ag magtukod it mabahoe nga Terminal Market sa sueod it mga daywang dag-on. Kun ma-ubra eon ro bag-ong tindahan sa guwa it Brgy. Poblacion, rong dati nga tindahan hay igasaylo rikara samtang ro ginhalinan pagkatapos nga hika-ayad hay pagatawgon nga Kalibo Central Market o kun the New Business Hub of Kalibo.

Do NOT follow this link or you will be banned from the site!