• Home
  • Munisipyo it Kalibo, gina-imbitahan rong tanan sa Kalye Kulinarya sa Kalibo nga Street Party

Munisipyo it Kalibo, gina-imbitahan rong tanan sa Kalye Kulinarya sa Kalibo nga Street Party

19 JUNE 2019

By: Doniel B Aguirre

Refer To: Ms. Fritzie Anne P Rillo, Information Office

Isaeang ka KKK Street Party ro pagahimuon ku Lokal nga Gobyerno it Kalibo umpisa it Hunyo 21 hasta it 23 it rayang dag-on. Angot ra sa selebrasyon ku Kapiestahan ni San Juan De Bautista sa pakikipag-bueoligan sa San Miguel Brewery Inc. sa sueod it tatlong adlaw nga aktibidad, makit-an kara ro sari-saring food sellers ag mga performers.

Kada gabi-i partikular ro Biernes Hunyo 21 hay may programa nga Musikabataan para sa mga pamatan-on o kun mga millenials kun sa siin maga-perform sanday Jay Bugsy Repayo, Coffee Drama ag Dex Yu it Letter Day Story. Sa Hunyo 22 adlaw nga sabado hay Throw Back Groove ku mga kaeantahon it dekada 80 ag 90 ag iga-feature sanday Christopher Maravilla ag Rhio Teofilo ag DJ Jay Tabernilla ag sa Hunyo 23 adlaw nga Dominggo hay One For All, All For One o kun open genra ag iga-feature kara ro Broadband ag si DJ Ton nga may kahalo pa nga baeasaan pag-abot it 11 sa gabii mag-euwas pa sa mga pagkaon, ilimnon ag mga kalingaw-lingawan ag may una pa gid nga Dress Up Contest.