• Home
  • Munisipyo it Kalibo ag National Historical Commission, magahimo it Unveiling of the New Markers it Aklan Freedom Shrine ag Death Marker ni Gen. Francisco del castillo sa Abril 25

Munisipyo it Kalibo ag National Historical Commission, magahimo it Unveiling of the New Markers it Aklan Freedom Shrine ag Death Marker ni Gen. Francisco del castillo sa Abril 25

04 APRIL 2019

Subject: Munisipyo it Kalibo ag National Historical Commission, magahimo it Unveiling of the New Markers it Aklan Freedom Shrine ag Death Marker ni Gen. Francisco del castillo sa Abril 25

By: Doniel B Aguirre

Refer To: Ms. Fritzie Anne P Rillo, Information Officer

Mag-euwas sa naka-andan nga mga aktibidad sa pag-selebrar ku pagiging independienteng Probinsya it Akean halin sa Probinsya it Capiz sa Abril 25 it rayang dag-on, pagapangunahan ku Munisipyo it Kalibo sa pagpamuno ni Mayor William Lachica ro Unveiling of New Markers ku Aklan Freedom Shrine ag Death Marker of Francisco Del Castillo.

Sa ginpahaum nga programa ku Tourism and Cultural Affairs Division ku LGU Kalibo, gin-deklarar eon bilang pinaka-premerong National Historical Shrine sa akean ro Aklan Freedom Shrine ku Marso 29, 2019 sa pagpatikasog ku Gobyerno Lokal it Kalibo, Gobyerno Probinsyal it Akean, Mr. Kevin Piamonte ag anang mga kaibahan sa Docufilm nga Daan Patungong Tawaya, Aklan Historical Society ag iba pa gid.

Magiging presente si Mr. Ludovico Badoy, Patnugot Tagapagpaganap, Pambansang Komisyong Pangkasaysayan ng Pilipinas ag si Mayor William Lachica ro maga-bukas it kurtina ku National Marker. Paga-pirmahan man ro pamatuod ku pagsaylo it National Marker sa tunga ku LGU Kalibo ag National Historical Commission nga paga-saksihan nanday: Ms. Vanessa Ginoy, Executive Assistant I, Mayor’s Office ag Mr. Alvin Alcid, Chief, Research, Publications and Heraldy Division, NHCP.