• Home
  • Munisipyo it Kalibo ag DEPED Kalibo, Naghimo it Handog Pamasko Sa Pastrana Park

Munisipyo it Kalibo ag DEPED Kalibo, Naghimo it Handog Pamasko Sa Pastrana Park

By: Doniel B Aguirre

Refer to: Ms. Fritzie Anne P Rillo, Information Officer

Gin-umpisahan eon ku DEPED Kalibo ag LGU Kalibo ro Handog Pamasko 2018 sa Kalibo Pastrana Park ku adlaw nga Biernes Disyembre 14, 2019. Sa pagpanguna nanday Mayor William Lachica, SB Member Mark Quimpo ag Ms. Arlyn Regalado, District Supervisor it Kalibo Districts I and II kaeakip ro sari-saring eskwelahan sa Munisipalidad it Kalibo, naghaead it mga kaeantahon, saot ag mga regalo para sa napilian nga mga benipisaryo.

Mabahoe gid ro pagpasaeamat it Alkalde tungod ku presensya it mga manugturo, ginikanan ag mga estudyante. Suno sa Alkalde, ro okasyon hay senyales ku nagahieapit nga pag-selebrar ku pagkatawo it Diyos. Ginpa-abot pa gid ku Alkalde nga ginpahayag man ro mga Iwag ag Giant Christmas Tree bilang simbolo ku pag-selebrar it Paskwa sa Banwa it Kalibo ag gindugang pa gid nana nga sa masunod nga inadlaw hay magiging dire-deretso ro mga programa sa Kalibo Pastrana Park agud magta-o it mga regalo sa andang mga benipisaryo.

Ginpasaeamatan gid ku District Supervisor ro tanan nga DEPED Family ag PTA Association sa mga eskwelahan agud suportahan ro aktibidad. Ginpahanumdom pa gid ni Regalado nga magta-o it hayga sa isigka tawo rason nga ginahimo ro Gift Giving.