• Home
  • Municipal Public Library it Kalibo, ginahinyo nga hipa-bahoe

Municipal Public Library it Kalibo, ginahinyo nga hipa-bahoe

06 AUGUST 2019

By: Doniel B AguirreRefer To: Ms. Fritzie Anne P Rillo, Information Office

Bilang sangka 1ST Class Municipality ro Banwa it Kalibo, gina-hinyo makaron ku Sangguniang Bayan it Kalibo kay Mayor Emerson Lachica nga hipa-bahoe ro Municipal Public Library agud ma-angkon ro ideyal nga 48-60 Seating Capacity para sa sangka 1ST Class Municipality.

Sa pagpahayag ni SB Member Mark Quimpo sa gin-proponer nana kara nga Resolusyon, ro Board for Librarians of the Professional Regulations Commission hay nag-isyu it sukatan para sa Philippine Libraries nga mag-pagowa it pamantayan para sa tanan nga klase it Libraries kaparehas ku School Libraries ag Media Centers, Colleges & Universities, Special Libraries ag Public Libraries. Gindugang pa gid ni Quimpo nga sa minimum standards for Philippine Libraries, ro mga library hay may minimum nga seating capacity nga 48-60 ka mga tawo o bumaeasa para sa Regional, Provincial, City ag 1st  Class Municipalities ag 12 – 24 mat-a ro igabutang nga Barangay Reading Centers.

Suno kay Quimpo, maisot gid man ro Municipal Library it Banwa ag kun pabahu-eon kara hay masarangan nga maka-akomodar it 48 – 60 ka tawo. Rong parte it 2ND Floor ku Capt. Gil Mijares Building nga gina-okupahan dati ku KASAFI hay pwede gid sa gina-proponer nga pagpa-eapad ku Municipal Library. Rason nga naga-hinyo makaron ro Konseho sa Alkalde nga hipa-eapad ro nasambitan nga Library.