• Home
  • Municipal Advisory Council ag Kalibo Municipal Police Station, nagpunupod it mga regalo ku adlaw it Paskwa

Municipal Advisory Council ag Kalibo Municipal Police Station, nagpunupod it mga regalo ku adlaw it Paskwa

By: Doniel B Aguirre

Refer to: Ms. Fritzie Anne P Rillo, Information Officer

150 ka mga Kalibonhon ro nahataw-an it mga regalo halin sa Kalibo Municipal Police Station sa pagpamuno ni PSUPT. Richard Mepania, Chief of Police ag ku Municipal Advisory Council MAC kahapon Disyembre 25, 2018.

Sa nasambitan nga Handog Pamasko kahapon sa Kalibo Pastrana Park, ginpabutyag ni Mepania sa mga nagba-eaton it mga regalo nga padayunon ro pagtuo sa Maka-ako. Ginpasaeamatan man ni Mepania ro mga nagasuporta sa Kalibo Municipal Police Station, samtang ginahaead man nana sa Diyos ro mga grasya nga andang nabaton daea man ro pagpasalig nga igata-o nanda ro eubusan nga serbisyo para sa mga Kalibonhon.

Ginhinyo man ni SPO4 Luzbella Isada sa mga Ginikanan nga indi pagpabay-an ro mga Inunga pina-agi sa pagturo it mayad-ayad nga pamatasan. Ginpangayo pa gid ni Isada sa mga pumoeoyo ro andang bulig sa katawhayan it Banwang Kalibo.