• Home
  • MLGOO it Kalibo, naghimo it komperensya sa mga nagapadaeagan it Barangay

MLGOO it Kalibo, naghimo it komperensya sa mga nagapadaeagan it Barangay

By: Doniel B Aguirre

Refer to: Ms. Fritzie Anne P Rillo, Information Officer

Padayon gihapon nga ginabuligan sa pagpahaum ro mga Kabaranggayan it Kalibo para sa ginapanan-aw nga Eleksyon it mga Punong Brgy. ag mga Brgy. Councils iya sa Banwa it Kalibo. Kahapon adlaw nga Lunes, uman nga gintipon ni Ms. Valerie briones MLGOO it Banwang Kalibo ro mga Punong Brgy., Brgy. Secretaries, Brgy. Treasurers ag Municipal Audit Transition Team MATT sa 3rd floor ku Kalibo Municipal Building.

Sa pagbueoligan ku Opisina it Municipal Accountant it Kalibo, ginpahanumdom sa mga taga Brgy. nga ipahaum eon ro tanan nga mga klase it report sa pag-administrar it Brgy. agud mas madali ro pag-saylo it trabaho pananglitan nga may magabueos sa pagpadaeagan it sangka Brgy. o kun ginatawag nga transisyon. Gintutukan ku MLGOO ag Officer In Charge ku Municipal Accounting Office nga si Ms. Junah Tolentino ro nahanungod sa mga Financial Records ag Documents kamana ku Journal, Logbook of Daily Income/Expenses, Bank DEPOSITS KUN MAY UNA, Bank Withdrawal Slips, Purchase Slips, Vouchers/Payment/Payroll, Loan Documents, Brgy. Official Receipts nga ginabilog ku Used ag Unused ag iba pang mga Financial Documents ag kaeakip man ro mga Legislative Documents.

May mga tentatibo pa gid nga petsa ro gintaeana ku MLGOO it Kalibo agud maghimo it balidasyon sa mga Kabaranggayan umpisa makaron nga buean it Abril.