• Home
  • MHO Kalibo, nagahimo it pagbakuna kontra sa tipdas

MHO Kalibo, nagahimo it pagbakuna kontra sa tipdas

By: Doniel B Aguirre

Refer To: Ms. Fritzie Anne P Rillo, Information Officer

Ginahinyo makaron ku Municipal Health Office it Kalibo ro mga ginikanan it tanan nga Pupils sa Grades 1 ag 7 kaeakip man ku mga Day Care Pupils it Banwang Kalibo nga mag-kooperar pina-agi sa pakikipag-koordinar sa tagsa-tagsa nandang mga Eskwelahan agud maka-pirma sa Parental Consent agud mabakunahan kontra sa tipdas. Suno kay DR. Makarius Tel Aviv Dela Cruz, Municipal Health Officer it Kalibo, kinahang-ean gid mabakunahan kontra sa tipdas ro mga inunga nga uwa nabakunahe it kontra tipdas ag mataw-an pa gid it libreng Vitamin A Supplementation.

Umpisa makaron nga Pebrero hasta sa Marso, rong Dept. OF Health ag mga staff it 2 ka mga RHUs it Kalibo hay maga-adto sa mga Eskwelahan agud maghimo it pagbakuna sa mga inunga sa Grades 1, 7 ag Day Care Pupils samtang padayon man gihapon ro Measles Immunization sa mga inunga nga naga-edad it 6 to 59 months. Ginataw-an gid it Vitamin A Supplement ro mga inunga tungod nga ginapahina it tipdas ro Immune System it biktima kara. Oras nga humina ro Immune System it Biktima, magadueot ra it komplikasyon kamana ku: Pnuemonia, Diarrhea, Epekto sa Utok kaparehas ku Encephalitis, pagkabulag ag pagkamatay. Ro mga unga naga-edad it 6 to 59 months hay delikado gid sa tipdas bangud bukon it mabaskug ro andang mga resistensya. Delikado gid rong tipdas sa mga nabdos bangud pwedeng sandang magka-miscarriage ag congenital deffect sa eapsag. Pila man sa mga sintomas kun tipdas ro sangka unga hay ro mga masunod: gina-ubo ag gina-sip-on, eye redness, fever ag rashes.

Kahapon Pebrero 27, naghimo eon it Immunization ro RHU Kalibo sa Regional Science Highschool For Region 6 ag igasunod man ro iba pang mga eskwelahan. Ro ginahimo makaron nga pagbakuna ag pagta-o it Vitamin A Supplement hay sabat sa Measles Outbreak.