• Home
  • Mga Traffic Violators it Kalibo, iga-endorso eon sa LTO

Mga Traffic Violators it Kalibo, iga-endorso eon sa LTO

02 MAY 2019

Subject: Mga Traffic Violators it Kalibo, iga-endorso eon sa LTO

By: Doniel B Aguirre

Refer To: Ms. Fritzie Anne P Rillo, Information Officer

Umpisa sa masunod nga Dominggo, iga-endorso eon ku Traffic & Transport Management Unit TTMU it LGU Kalibo ro mga Aprrehensions ku mga Kalibo Auxiliary Police ag Kalibo PNP Personnel sa Land Transportation Office LTO. Sa Road Safety Executive Forum nga ginhimo sa Ati-Atihan County Inn ku Abril 30, 2019 ginpa-abot ku LTO nga impormahan ro mga drivers nga iga-endorso ku Munisipyo sa LTO ro andang mga lisensya kun indi sanda makabayad. Suno sa LTO, ro Tricycle Driver nga indi makabayad it Citation Ticket hay indi maka-renew it andang mga Driver’s License ag Registration.

Matapos man nga hika-endorso ro mga Aprrehended Driver’s License, ibutang ku LTO sa alarma ro nasambitan nga mga violators.  Ginhinyo ku LTO nga kun maabo eon ro mga gin-endorsong mga lisensya, magakinahang-ean sanda it Empleyado sa LGU Kalibo nga andang paga-tur-an nga mag-encode.

Dugang pa nga pagpahayag it LTO, nagakabaeaka ro andang pamunuan kun mataas rong rate it mga aksidente sa karsada. Buot hambaeon nga uwa sanda nagatutok sa kaabo it andang mga apprehension tungod nagakahueogan ra nga bukon it epektibo ro andang enforcement.