• Home
  • Mga programa para sa mga Senior Citizens, suportado ku Munisipyo it Kalibo

Mga programa para sa mga Senior Citizens, suportado ku Munisipyo it Kalibo

29 JULY 2019

Subject: Mga programa para sa mga Senior Citizens, suportado ku Munisipyo it Kalibo

By: Doniel B Aguirre

Refer To: Ms. Fritzie Anne P Rillo, Information Office

Gina-amligan gid ku Munisipyo it Kalibo ro ikamayad it eawas ku mga Senior Citizens iya sa Banwa it Kalibo. Sa ginpatigayon nga imbitasyon ku Phil. Information Agency (PIA) pina-agi sa programa ku Kapehan sa Akean, isaea sa mga Resource Persons nga gin-kangay si Ms. Aurora Ignacio, Office of Senior Citizens Affairs OSCA Head ku Banwa it Kalibo kon sa siin ana kara nga ginsaysay ro mga aktibidad nga anang ginapatupad para sa mga miembro it OSCA nga mga Senior Citizens imaw man ro mga proyekto ag programa nga ginata-o it Lokal nga Gobyerno it Kalibo para sa sektor it Senior Citizens.

Ginpa-abot ku OSCA Head nga pina-age sa pag-a-eamutan it mga Senior Citizens, nakakahimo sanda it Lakbay Saya o rong pagkasugot nanda nga mag-adto sa isaeang ka lugar sa gowa kung Banwang Kalibo agud magpamasyar. Suno kay Ignacio, ginasunod gid ku anang taeatapan ro mga mandato ku Phil. Plan of Action for Senior Citizens nga Senior Citizens Development, Advancing Health & Well Being into Old Age ag Ensuring a Supportive and Enabling Environment. Sa pag-amlig man it andang ikamayad it eawas, naga pakig-koordinar rong OSCA Kalibo sa Municipal Health Office agud maghimo it Regular Blood Pressure Monitoring, imaw man ro pagta-o it Maintenance Medicine para sa Hypertension ag Diabetes. Rong LGU Kalibo pa gid hay nagata-o it insentibo nga P25,000 sa naga-edad it 100 years old.

Ginpa-abot man ni SP Member Jay Tejada, ku Sangguniang Panlalawigan it Aklan ro mga hilikuton ku Probinsya para gihapon sa ikamayad it eawas ku mga Senior Citizens ag Persons With Disabilities. Suno kay Tejada, ro Probinsya hay nagata-o it Medical Services depende sa medical certificate it isaeang ka Person With Disabilities ag Senior Citizens, nagapanupod man sanda it mga Assistive Devices, nagata-o pa gid it P500.00 para sa Senior Citizens nga uwa naka-lista sa Natl. Household Targeting System for Poverty Reduction (NHTS-PR) ag iba pa gid.