• Home
  • Mga nagdaea-ug nga SK Chairman ag Kagawad, magapa-idaeom it Training makaron nga Biernes. May 17, 2018

Mga nagdaea-ug nga SK Chairman ag Kagawad, magapa-idaeom it Training makaron nga Biernes. May 17, 2018

By: Doniel B Aguirre

Refer to: Ms. Fritzie Anne P Rillo, Information Officer 

Matapos nga nagdaea-ug sa nagtaliwan nga Eleksyon ku Mayo 14 ro mga SK Chairman ag SK Kagawad, eagi-eagi sanda nga igapa-idaeom sa Mandatory Training for the Newly Elected Sangguniang Kabataan sa Biernes Mayo 18 sa gahum man ku Sangguniang Kabataan Reform Act of 2015. Rong seminar hay pagahimuon sa Aklan State University Kalibo Campus kun sa siin igaturo kanda ro mga duties and obligations nanda sa Brgy. pina-agi sa Dept. of Interior and Local Government DILG.

Katuwang ku DILG sa paghimo it seminar ro Liga ng mga Brgy. ag National Youth Commission NYC. importante gid nga makapa-idaeom kara ro mga bag-o nga SK Officials tungod requirements ra kanda bago mag-panerbisyo. Ro pondo nga paga-gamiton sa Registration hay nagahalin sa 10% SK Funds it kada Brgys. sa Kalibo. P1,600 rong registration it kada sambilog nga participants tungod kara, ginpa-abot gid ku MLGOO Ms. Valerie Briones nga rong tanan nga SK Chairperson ag SK Members hay mag-atinder.

Suno kay Ms. Valerie Briones, MLGOO V it Kalibo, alas 7 ro call time it taga Kalibo nga mga SK Chairpersons ag SK Members kaibahan pa gid ro iba pang mga kaibahan nanda halin sa nagakasari-saring Munisipalidad sa Akean. Sa mga hauna nga mga SK, sanda anay kato hay nag-pungko eagi sa pwesto pero sa makaron nga tiempo, bago sanda ma-pungko sa pwesto it Hunyo 30 alas dose it tru adlaw hay kinahang-ean nanda ro Mandatory Training. Ginahimo man ro Mandatory Training sa Banwa it Banga, Ibajay ag sa New Washington.