• Home
  • Mga ginbaligyang mga LED Lamps, dapat may una eon nga ICC ag PS Stickers.

Mga ginbaligyang mga LED Lamps, dapat may una eon nga ICC ag PS Stickers.

By: Doniel B Aguirre

Refer to: Ms. Fritzie Anne P Rillo, Information Officer

Ginbalita eon ku DTI Aklan nga sa paea-abuton nga mga inadlaw, mabakae eon sa mga Superstores ag iba pang mga Establisimiento ro may Philippine Standard o Import Commodity Clearance Sticker nga mga LED Lamps. Ginpahayag ni Ms. Carmen Iturralde, Officer In Charge it DTI Aklan may ginpaguwa eon nga Department Administrative Order No. 18-02 nga naga-indikar it Phil. National Standards for Self-Ballasted Led Lamps para sa General Lighting Services. Ginasaad sa DAO 18-02 nga ro mga Self-Ballasted Led Lamp hay gindugang eon sa listahan it mga produktong nagakainhang-ean it Mandatory Certification.

Ro mga Importers ag Manufacturers ku mga Self Ballasted Led Lamps nga may rated voltage up to 30W, 50V up to 250V, E14 ag E27 Capped Led LAMPS HAY KINAHANG-EAN NGA MAY UNA MAN NGA Import Commodity Clearance ICC o kun Phil. Standard PS License bago ra hika-distribwer o hi-baligya. Ginamanduan pa gid ro mga Manufacturers nga maghimo it Test Parameters sa nasambitan nga mga produkto.

Rong DAO No 18-02 hay nangin epektibo ku Pebrero 25, 2018 matapos nga gin-publikar eon ra sa peryodiko. Tanan man nga Manufacturers ag Importers it Led Lamps hay obligado nga magpa-idaeom sa Mandatory Product Certification Procedures mga 6 nga buean pagkatapos ku pagpanaug ku DAO 18-02.