• Home
  • Mga Empleyado it Kalibo, ginpahanumdom parte sa Fire Prevention Month

Mga Empleyado it Kalibo, ginpahanumdom parte sa Fire Prevention Month

By: Doniel B Aguirre

Refer To: Ms. Fritzie Anne P Rillo, Information Officer

Ro Bureau of Fire Protection Kalibo ro nagpamuno sa Monday Flag Raising Ceremony kahapon sa Munisipyo kun sa siin ginpahanumdom ni Fire Inspector Sidgie Gerardo nga ro buean it Marso hay Fire Prevention Month bangud ku mataas ro temperatura ngani posibleng mag-eksister ro sunog.

Mag-euwas sa pagpahaundum, may mga ginta-o pa gid nga leaflets ag flyers ro Bureau of Fire Protection Kalibo sa mga empleyado. Ginbalita pa gid ku Hepe it mga bumbero sa Banwa it Kalibo ro andang mga aktibidad nga paga-ubrahon makaron nga Marso kaparehas ku: paghimo it Refresher Course parte sa Fire Engine Maintenance & Operation para sa mga Fire Engine Operators ag iba pa gid para sa mga personnel it Kalibo Fire Station. Mga serye it Fire Safety Seminar ag Lectures, Fire Brigade Orientation Training para sa mga Selected Personnels it Aklan Provincial Hospital ag magahimo pa gid it mga Mobile Mall Exhibits. Ro mga Fire Arson Investigators man hay may una nga Refresher Course. Gina-plano pa gid ku BFP Kalibo ro paghimo it Mentoring & Coaching on Fire Safety sa United Architects of the Philippines ag Phil. Institute of Civil Engineers PICE.

Ana man nga gin-anunsyar sa mga Empleyado it Kalibo parte sa pagbaton it mga aplikante para sa Fire Officer I nga nagabaton eon makaron ro Kalibo Fire Station.