• Home
  • Men & Masculinity (Men Talking to Men About Manhood – m3), Ginturo Sa Mga Eaeaking Empleyado it LGU Kalibo.

Men & Masculinity (Men Talking to Men About Manhood – m3), Ginturo Sa Mga Eaeaking Empleyado it LGU Kalibo.

By: Doniel B Aguirre

Refer to: Mr. Efren Trinidad, Executive Assistant to the Mayor

Sa pagpanguna ku Gender & Development Focal Point System, Office for Human Resource Management ag Men Opposed to Violence Against Women Everywhere MOVE, isaeang ka makahueogan nga aktibidad ro ginpartisipahan it mga eaeaking Empleyado ku Munisipyo it Kalibo sa handum nga matapna eon ro Violence Against Women & Children sa bug-os nga Probinsya it Akean.

Agud ma-intindihan ag makabulig nga mapunggan ku mga kaeaeakihan nga Empleyado ku Munisipyo ro Violence Against Women & Children, gin-istoryahan sa aktibidad kahapon ro Men & Masculinity (Men Talking to Men About Manhood – M3). Tatlo ro mga Resource Persons nga ginpahaum ku Office for the Human Resource nga ginapamunuan ni Ms. Eleanor Isada, HRMO V kaparehas nanday: Mr. John Ariel Fernandez nga nagtalakay ku topiko nga Gender & Development Revisited (Sex Versus Gender), Mr. Leenard Cristobal kun sa siin ro titulo it topiko hay the Beast in Me, rong Male Oppression, Constructed Masculinity, Male Identity and Male Social Construction ag rong the best in me topic. Samtang si Mr. Jones Arrieta man ro nagpanguna sa sangka Open Forum ag gin-eksplekar kun mauno intiendihon ro Gender Based Violence (RA 9262).

Ginpahanumdom man ni Vice Mayor Madeline Regalado nga parehas eamang ro deretso it mga babaye ag mga eaeaki. Ana man nga gin-apresyar ro kawsa it MOVE nga ipahisayud ag kontrahon ro Violence Against Women and their Children. Presente man sanday sb Members Cynthia Dela Cruz ag Buen Joy French samtang makaron man nga adlaw nga Miyerkules ginapa-idaeom man sa kaparehas nga aktibidad ro mga eaeaking Empleyado it mga Brgy. Councils sa Banwa it Kalibo.