• Home
  • MDRRMO Kalibo, gustong maka-angkon it Type II nga Ambulansya.

MDRRMO Kalibo, gustong maka-angkon it Type II nga Ambulansya.

By: Doniel B Aguirre

Ginpanginbulahan ni SB Member Cynthia Dela Cruz, ro Municipal Disaster Risk Reduction and Management Office – Kalibo sa pagpamuno ni Mr. Terence June Toriano, Local Disaster Risk Reduction & Management Officer kaibahan ro anang mga staff tungod sa aktibo ag alertong naga-responde sa tanan nga emergency calls adlaw man o gabi-i.

Sa regular session it Sangguniang Bayan it Kalibo kahapon, ginsuportahan ku sb member ro hinyo ku MDRRMO Kalibo nga maka-angkon it bag-o ag nagaka-angay nga ambulansya para sa adlaw-adlaw nanda nga pag-serbisyo. Ro moderno ag kumpleto sa kagamitan nga ambulansya nga gina-hinyo it mdrrmo hay nagabalor it P2.5 Million. Suno kay SB Member Dela Cruz, Pagasamitan nanda nga makapangayo it pondo sa SLGLF – SA fund ag pati man sa people’s survival fund PSF para sa mga LGUS.

Sa pagpahayag ku LDRRMO, Type II Ambulance ro gusto ku anang opisina tungod mataas ro ana kara nga bubung agud madali maka-eapat it mga CPR o kun ro paghimo it Automated External Defibrillation AED sa sangka pasyente. Sa makaron, 2 ro ambulansya it Opisina nga masami nga gina-usar sa pagdaea it pasyente sa Iloilo ngani kun ro 2 hay dungan nga ginagamit, ro nabibilin nga saeakyan hay sa opisina hay ro Rescue Vehicle nga uwa it stretcher. Raya man rong rason nga gusto nanda it nagaka-igo nga Ambulansya ag insakto sa kinahang-ean it ana nga staff.

2 ka mga Resolutions ro gin-proponer ni SB Member Cynthia Dela Cruz, angot sa nasambitan nga hinyo ku MDRRMO Kalibo nga puro tanan hay aprubado.