• Home
  • Mass Oath Taking it mga Brgy. Officials para sa dag-on 2018 hasta it 2020, pagahimuon hin-aga.

Mass Oath Taking it mga Brgy. Officials para sa dag-on 2018 hasta it 2020, pagahimuon hin-aga.

By: Doniel B Aguirre

Refer to: Ms. Fritzie Anne P Rillo, Information Officer

Kadungan ku pag-selebrar ku Banwa it Kalibo ku ika 120TH Philippine Independence Day sa Hunyo 12, 2018, gin-imbitahan ni Mayor William Lachica ag Ms. Valerie Briones, MLGOO it Kalibo ro mga magapungko nga mga Punong Brgy. ag Kagawad sa Mass Oath Taking sa Martes pagkatapos it programa para sa Independence Day.

May santos nga misa sa agahon it mga bandang alas 6, paghalin sa Kalibo Cathedral, pagahimuon ku Alkalde ro Wreath Laying sa monumento ni Gat Jose Rizal ag rayon nga paga-umpisahan ro programa sa Kalibo Pastrana Park Stage. Gina-ekspektar gid ku Munisipyo nga mag-atinder ro mga Out Going Brgy. officials ag ro mga bag-ong Opisyales it mga Brgy. para sa dag-on 2018-2020.

Gin-paabot ni Mayor William Lachica nga paga-imbitahan nana si cong. Carlito marquez ag iba pang opisyales para mag-saksi sa Mass Oath Taking. Ginpabutyag it alkalde nga tapos eon ro politika ag taw-an eon it atensyon ro pagserbisyo sa pumoeoyo ag tungod kara, gina-ekspektar gid nana ro pagpartisipar it mga Brgy. Councils.