• Home
  • Mangingisda it tatlong ka Brgy. sa Kalibo, nagbaton it mga Fishing Provisions halin sa BFAR.

Mangingisda it tatlong ka Brgy. sa Kalibo, nagbaton it mga Fishing Provisions halin sa BFAR.

By: Doniel B Aguirre

Ginbaton eon ku mga Mangingisda it Kalibo ro mga Fishing Provisions halin sa Bureau of Fisheries and Aquatic Resources BFAR kahapon adlaw nga Lunes. Sa pagpasilitar ku Agricultural Services Division nga ginapamunuan ni Mr. Primo Ebesate Jr., ginbaton ku mga mangingisda halin sa New Buswang, Old Buswang ag Brgy. Caano ro mga Fishing Provisions kaparehas ku: 5 Units it Gill Nets (Lambat), 20 Units it Multiple Handline (Bunit) ag Squid Jigger nga 10 Units.

Mabahoe gid ro bulig it nasambitan nga kagamitan sa pagpangisda sa mga taga Kalibo nga napapangisda sa kadagatan nga sakup it Banwa. Ro kada dakup nanda sa adlaw – adlaw hay ginadaea man sa kalibo public market para ibaligya kabaylo it andang kita para sa andang pamilya ag organisasyon.