• Home
  • LGU Kalibo, uman nga ginpa-idaeom sa Assessment para sa Seal of Good Local Governance 2019

LGU Kalibo, uman nga ginpa-idaeom sa Assessment para sa Seal of Good Local Governance 2019

03 MAY 2019

Subject: LGU Kalibo, uman nga ginpa-idaeom sa Assessment para sa Seal of Good Local Governance 2019

By: Doniel B Aguirre

Refer To: Ms. Fritzie Anne P Rillo, Information Officer

Sa mga nagtaliwan nga tatlong dag-on, nagda-ug ag padayon nga naga-entra gihapon ro Lokal nga Gobyerno it Kalibo sa programa ku Dept. of the Interior & Local Governance nga Seal of Good Local Governance: Pagkilala sa katapatan ag kahusayan ng Pamahalaang Lokal. Kahapon Mayo 2, 2019, mainit nga ginbaton ku LGU Kalibo ro tatlo ka mga miembro ku Regional Assessment Team RAT agud uman nga mag-ebalwar ku integridad ag mayad-ayad nga pag-ginobyerno ku presente nga mga opisyales it Banwa.

Sa pagpamuno ni SB Member Rodilio Policarpio sa ngaean ni Mayor William Lachica, mainit nana nga gin-abi-abi ro miembro kung RAT. Positibo imaw nga madag-an it uman ku LGU Kalibo rong ika 4 kara nga Seal of Good Local Governance. Ana gid nga gin-apresyar ro paghinguha ag kamayad ku mga Department Heads ag mga Empleyado matapos nga nakabaton it mga Awards bangud ku pagiging efficient sa aspeto it Financial Management, Disaster Preparedness, Social Protection, Peace & Order, Business Friendliness & Competitiveness, Environmental Protection ag Tourism & Culture & Arts nga imaw ro 7 ka mga areas nga gina-assess kung Regional Assessment Team.  Sa pagpahayag man ni ku pinuno kung RAT, LGOO 6 Ms. April May Plazo, 16% it mga LGUs sa bug-os nga nasyon ro nakapasar sa SGLG 2018 ag sambilog eon ro LGU Kalibo.

Rong RAT hay gina-komponihan nanday: LGOO 6 April May Plazo, Program Manager DILG Iloilo Province, Ms. Lorena Navellasco, CSO Partner, LGOO 5 Debra Romero, SGLG Focal Person Aklan, LGOO 5 Jovy Rasgo ag LGOO 2 Hazel Queto kung DILG Aklan.