• Home
  • Konseho nga maga-amlig ku Kultura ag Tradisyon it Kalibo, ginapabaskug ku Banwa it Kalibo.

Konseho nga maga-amlig ku Kultura ag Tradisyon it Kalibo, ginapabaskug ku Banwa it Kalibo.

By: Doniel B Aguirre

Refer to: Ms. Fritzie Anne P Rillo, Information Officer

Sa handum nga hikapasa sa mga kalibonhon nga pamatan-on ro kultura ag tradisyon it Banwang Kalibo, isaeang ka Resolusyon ro ginpasar ku Konseho it Kalibo nga nagapabaskug ku naha-tukod eon nga Kalibo Council for Culture & the Arts KCCA sandig man sa Executive Order No. 13 – a series of 2002. Suno kay SB Member Mark Quimpo, proponent it Resolusyon base sa MC No. 2002-81 ku DILG, tanan nga mga Municipal Mayors hay kinahang-ean nga magtuga it local Culture & the Arts Council. Samtang ro DILG MC No. 2017-133 hay nagasaad nga pwedeng mag-implementar it mga proyekto ag pagpabaskug it Konseho ag nagata-o it mga Policy & Guidelines parte sa composition ag re-composition kara.

Suno kay SB Member Quimpo, may pondo ro LGU Kalibo para sa Improvement it Historical & Cultural Landmarks ro dapat hika-implementar kung KCCA pero kinahang-ean anay nga mangin aktibo ag mabakud ro membership. Ginpabutyag pa gid ku kosehal nga sa mga teknolohiya makaron, angay ag bagay eamang sa rondayang council nga tutukan, ma-preserba ag ipasa sa masunod nga henerasyon ro manggaranon nga kultura ag tradisyon it Kalibo para indi malipatan ag hikapa-bugae it makabag-ong henerasyon.