• Home
  • Konseho it Kalibo, nagapakig-sugilanon sa Alkalde nga ma-alokaran it pondo ro pagpatindog it BFP Sub Station sa Barangay Tigayon

Konseho it Kalibo, nagapakig-sugilanon sa Alkalde nga ma-alokaran it pondo ro pagpatindog it BFP Sub Station sa Barangay Tigayon

By: Doniel B Aguirre

Refer To: Ms. Fritzie Anne P Rillo, Information Officer

Naga pakigsugilanon makaron ro Sangguniang Bayan it Kalibo kay Mayor Emerson Lachica kun sarang mag-alokar it pondo agud makapatindog it Bureau of Fire Protection Sub Station sa Brgy. Tigayon, kalibo. Suno sa Sangguniang Bayan, handum gid ku Banwang Kalibo nga magta-o it seguridad ag kama-eay-ran sa tanan nga mga pumoeoyo, imaw nga importante gid nga makapa-ubra it Sub Station ro Bureau of Fire Protection.

Ro naga-eksister nga Kalibo Fire Station HAY na-desenyo nga mag-responde sa mga emerhensiya sa Eastern Side it Kalibo samtang kun makatukod it Sub Station sa Barangay Tigayon hay maga-responde sa iba pang parte it Banwa ag kaeapit nga mga Banwa. Sa pagtaliwan it mga dinag-un hay maga-abo pa gid ro mga negosyo nga maga-bukas ngani kinahang-ean it epektibo nga Fire Station nga maga-serbisyo pati sa mga kabanwahunan it Banga, Libacao, Madalag ag Balete.

Gindugang pa gid ni SB Member Ronald Marte nga ro Munisipyo it Kalibo hay may una nga Regional Evacuation Center sa Barangay Tigayon ngani may lote sa lugar nga pwedeng mabutangan it Sub Station. Co-sponsor man sa nasambitan nga Resolusyon sanday SB Members Daisy Briones ag Augusto Tolentino.